2023 jyldyń jazynda pılottyq rejımde iske qosylýy múmkin.
Premer-Mınıstr Álıhan Smaıylovtyń tóraǵalyǵymen ótken Tehnologıalyq saıasat jónindegi keńestiń otyrysynda óńirlerdi ınovasıalyq damytý jáne ulttyq ınovasıalyq júıeniń «Biryńǵaı terezesin» qurý máseleleri qaraldy, dep habarlaıdy Almaty-akshamy.kz Baq.kz silteme jasap.
Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın óńirlerdiń tehnologıalyq belsendiligin jáne ekonomıkany damytýdaǵy IT-sektordyń úlesin arttyrý úshin kúsh-jigerdi oblystyq ınovasıalyq alańdar men bıznes-ınkýbatorlardy qajetti deńgeıde qoldaýǵa shoǵyrlandyrý josparlanyp otyrǵanyn baıandady. Bul, ádette jumys oryndaryn jalǵa alý, oqytý jáne keńes berý qyzmetterine qatysty.
Premer-Mınıstr bul baǵytty, onyń ishinde jer qoınaýyn paıdalanýshylardyń ǵylymı-zertteý, tájirıbelik-konstrýktorlyq jumystarǵa bóletin qarajaty esebinen qarjylandyrý qajet ekenin atap ótti.
Onyń aıtýynsha, ákimdikter ınovasıalardy damytý jáne olardy óńirlik ekonomıkaǵa engizý úshin jaǵdaı jasaýy tıis.
Sonymen qatar otyrysta ulttyq ınovasıalyq júıeniń «Biryńǵaı tereze» jobasyn iske asyrý jónindegi jospar qaraldy, bul taqyryptyq jobalardy memlekettik qoldaý sharalary jınalatyn Egov úlgisi boıynsha sıfrlyq platformany iske qosýdy kózdeıdi. Oǵan qosa, júıe sala qatysýshylaryna monıtorıń júrgizý, qyzmetterge tapsyrys berý, sharttar jasasý jáne t. b. qyzmetter boıynsha bir-birimen ózara is-qımyl jasaýǵa múmkindik beredi: monıtorıń júrgizý, qyzmetterge tapsyrys berý, sharttar jasasý jáne t. b.
Premer-Mınıstr bul tásilderdi qoldap, jobany 2023 jyldyń jazynda pılottyq rejımde iske qosýdy tapsyrdy.
Búkil jeke sektor bir alańda naryqty tolyqtaı kóre otyryp, ınovasıaǵa suranys jasaýǵa jáne tıisti tapsyrystar berýge múmkindik alýy kerek. Ekinshi jaǵynan, ınnovatorlar óz ıdeıalaryn júzege asyrýdyń tıimdi tetigine ıe bolady, — dedi Álıhan Smaıylov.