Álemdik reıtıńte 31-orynǵa deıin kóterilgen Zarına kúni búgin 200-satyda tur
Qazaqstandyq tenısshi Zarına Dıas bıylǵy jarystarǵa qatysa almaıtynyn málimdedi, dep habarlaıdy Almaty-akshamy.kz QazAqparatqa silteme jasap.
Qazaqstandyq sportshy jaraqaty men densaýlyǵyndaǵy kináratqa baılanysty óziniń súıikti Ýımbldon jáne basqa týrnırlerde óner kórsetpeıtinin jarıa etti.
«Bul men úshin, árıne, aýyr. Biraq eshteńe isteı almaısyń, osyǵan kóndigip, densaýlyǵymdy qalpyna keltirýdi bastaý qajet. Sóıtip 2023 jyly kortqa tyń kúshpen oralý kerek. Sońǵy aılarda qıyndyqty jeńe otyryp, aýyrsam da, jattyǵýǵa týra keldi. Qazir endi densaýlyqty kútip, jańa maýsymǵa daıyndyqty barynsha tezirek bastaýǵa tyryssam ba deımin. Jankúıerlerime senimderińiz úshin alǵysymdy aıtamyn. Ózderińizdi saqtańyzdar!», dedi Zarına Dıas.
Kezinde álemdik reıtıńte 31-orynǵa deıin kóterilgen Zarına kúni búgin 200-satyda tur.
Eske sala keteıik, budan buryn Grıgorıı Lomakınniń Mılanda jarystyń birinshi raketkasyn utqanyn, Mıhaıl Kýkýshkınniń Ýımbldonda irikteý saıystarynyń fınalyna shyqqanyn jazǵan bolatynbyz.