Aýyl turǵyndarynyń qartaıý ındeksi qalalyqtarǵa qaraǵanda 4,9 tarmaqqa tómen
2021 jyly Qazaqstannyń óńirlerinde halyqtyń qartaıý ındeksi 26,6 boldy. Bul elimizde 0 ben 15 jas aralyǵyndaǵy ár 100 balaǵa 65 jastan asqan 26,6 azamat keledi degen sóz, dep habarlaıdy Almaty-akshamy.kz Zakon.kz-ke silteme jasap
Ulttyq statısıka búrosy bes jyl buryn, 2017 jyly bul kórsetkish 25,9 deńgeıinde bolǵanyn málimdedi. Sonymen qatar Qazaqstannyń qalalarynda qartaıý deńgeıi aýyldy jerlerge qaraǵanda joǵary – 28,7.
«2019-2020 jyldar aralyǵynda qala ındeksi 29,1-ge baǵalandy. Óńirler arasynda eń joǵary kórsetkish Soltústik Qazaqstanda, ındeks 66,5 boldy. Shymkent eń jas qala bolyp shyqty, 100 balaǵa 65 jastan asqan 14,3 adam keledi. Elorda halqy da salystyrmaly túrde jas, Nur-Sultanda bul kórsetkish 17,3»,-delingen habarlamada.
Aýyl turǵyndarynyń qartaıý ındeksi qalalyqtarǵa qaraǵanda 4,9 tarmaqqa (23,9) tómen. Kórsetkish bes jylda shamaly ózgerdi. 2017 jyly 100 balaǵa 22,4 eresek adamnan keletin edi.