Qazaqstandyq tenısshi monakolyq áriptesimen tartysty kezdesý ótkizdi.
Qazaqstandyq tenısshi Beıbit Jýkaev Taılandtaǵy Bangkok Open chellendjer týrnıriniń jartylaı fınalyna shyqty, dep habarlaıdy Almaty-akshamy.kz QazAqparatqa silteme jasap.
Aqtaý tenıs mektebiniń túlegi, dúnıejúzilik reıtıńte 395-orynda turǵan B.Jýkaev shırek fınalda álemniń 271-raketkasy, monakolyq Valentın Vasheromen tartysty kezdesý ótkizdi.
Eki saǵattan astam ýaqytqa sozylǵan machta qazaqstandyq tenısshi 7:5, 3:6, 7:6 (7:2) esebimen jeńisti julyp aldy.
Úshinshi, sheshýshi sette monakolyq sportshy esep 5:4 bolǵan mezette machqa dop berdi. Biraq Beıbit breık jasap, tarazy basyn teńestirdi. Sosyn taı-breıkte aıqyn basymdylyq tanytty. Jýkaev báseke barysynda 18 eıs jasap, 3 breık-poınttyń ekeýin paıdalandy.
B.Jýkaev fınalǵa shyǵý úshin álemniń 432-raketkasy, fransıalyq Artýr Kazomen talasady.