Katar Syrtqy íster mınıstrlígí dıplomatıyalyq arnalar boıynsha Qazaqstan Respublıkasynyń Úkímetí men Qatar Memleketíníń Úkímetí arasyndaǵy qazaqstandyq jūmyskerlerdíń osy elde jūmysqa ornalasuyn retteu turaly Kelísímdí oryndau jóníndegí memleketíshílík rásímderdíń oryndalǵanyn rastaıtyn jazbasha habarlama jíberdí, dep habarlaıdy aqshamnews.kz
Qūjatqa 2024 jylǵy 14 aqpanda Memleket basshysynyń Dohaǵa resmı sapary barysynda qol qoıyldy. 2025 jyly kelísímdí ratıfıkatsıyalau turaly Zań jobasyn QR Parlamentíníń qos palatasy (10 qyrkúıek – Májílíste, 9 qazan – Senatta) maqūldady, 20 qazanda Zańǵa Qazaqstan Respublıkasynyń Prezıdentí qol qoıdy.
– Kelísím Qazaqstan azamattaryn Qatarda jūmysqa ornalastyrudyń qauípsíz jáne ashyq jaǵdaılaryn jasauǵa jáne olardyń qūqyqtyq jáne áleumettík qorǵaluyn qamtamasyz etuge baǵyttalǵan.
Qūjat mamandardy íríkteuge ótínímder almasudyń, olardyń bílíktílígín tekserudíń jáne eńbek sharttaryn jasasudyń naqty tártíbín bekítedí. Kelísím qazaqstandyq jūmyskerlerge úlgílík eńbek shartyna sáıkes ūshuǵa, tūrǵyn úıge jáne medıtsınalyq qyzmet kórsetuge aqy tóleu, eńbektíń, demalystyń jáne syıaqynyń naqty sharttary, shartty merzímínen būryn būzǵan kezdegí jūmyskerlerdíń múddelerín qorǵaudy qosa alǵanda áleumettík jáne eńbek qūqyqtaryna kepíldík beredí, – delíngen vedomstvo taratqan aqparatta
Kelísím normalarynyń oryndaluyn baqylau úshín QR Eńbek jáne halyqty áleumettík qorǵau mınıstrlígíníń jáne Qatar memleketíníń Eńbek mınıstrlígíníń ókílderínen Bírlesken komıtet qūrylatyn bolady.
Qatarlyq jūmys berushíler ūsynatyn barlyq bos oryndar migration.enbek.kz portalynda ornalastyrylatyn bolady, būl Qazaqstan azamattaryna Qatar memleketíndegí eńbek múmkíndíkteríne ashyq jáne resmı qoljetímdílíktí qamtamasyz etedí.
Qazírgí uaqytta mınıstrlík Koreya Respublıkasymen, Saud Arabıyasymen, BAÁ, Slovakıya, Japonıya, Shvetsıya, Italıya, Norvegıya, Polsha, Chehıya, Rumynıya jáne Fınlyandıyamen eńbek qyzmetín retteu jáne eńbekshí-mıgranttardyń qūqyqtaryn qorǵau boıynsha osyǵan ūqsas memorandumdar men kelísímder jasasu boıynsha jūmys júrgízude.
2025 jylǵy 9 aıdyń qorytyndysy boıynsha shetelde eńbek qyzmetín júzege asyru maqsatynda 156,7 myń qazaqstandyq jūmys ístep jatqanyn esteríńízge sala ketken jón.
Qazaqstan azamattarynyń eń kóp sany Reseı Federatsıyasynda (128,8 myń adam), Koreya Respublıkasynda (15,2 myń adam), Polshada (2,6 myń adam) jáne Ūlybrıtanıyada (1,4 myń adam) jūmys ísteıdí.
