Almatyda kásiporyn qyzmetkerleri quny 50 mln teńgelik kabel ónimderin urlaǵan.
Tergeý anyqtaǵandaı, ony baılanys kásiporyndarynyń biriniń 14 qyzmetkeri birneshe kezeńmen júzege asyrǵan. Olar sottaldy. Kompanıa ókiliniń aıtýynsha, qala aýmaǵynda kabel ónimderin urlaý úsh jyldan beri oryn alyp keledi. Jalpy materıaldyq shyǵyn – 50 mıllıon teńgeden asty, dep habarlaıdy Almaty-akshamy.kz Polisia.kz-ke silteme jasap.
Túrksib aýdandyq PB-na resmı aryz berildi. Tergeý is-sharalarynyń nátıjesinde kásiporynnyń 14 qyzmetkeriniń qatysy anyqtaldy, olar kabelderdiń, tizbekterdiń jáne dabyl qorǵanysynyń ornalasqan jerin bile otyryp, 2021 jyldyń jeltoqsanynan 2022 jyldyń qańtar aıynyń sońyna deıin múlikti urlaýdy uıymdastyrǵan.
«Almaty polısıasynyń basshylyǵyna, Túrksib aýdandyq PB-nyń polısıa qyzmetkerleri, atap aıtqanda tergeýshi Ánýar Sháripovtiń, jedel ýákil Jasulan Asylhanovtyń jáne Túrksib aýdandyq PB bastyǵynyń tergeý jónindegi orynbasary Aıdarbek Kerimbekovtyń kásibı jáne adamı qasıetterin habarlaýdy azamattyq boryshym dep bilemin. Olardyń kásipqoılyǵynyń arqasynda QR QK-niń 188-baby 3-bóliginiń 1-tarmaǵyna (Urlyq, ıaǵnı aldyn ala sóz baılasý boıynsha adamdar tobynyń asa iri kólemde múlikti jymqyrýy) sáıkes qozǵalǵan qylmystyq is aıaqtaldy. Kináliler ózine laıyqty jazasyn aldy. Qol astyndaǵylaryńyzdyń arasynda osyndaı qyzmetkerlerdiń kóp bolýyn shyn júrekten tileımiz», – dedi “Qazaqtelekom” AQ basqarma tóraǵasynyń ýákiletti ókili Sh.Razdyqov.