Qazaqstandyq tenısshi reseılik áriptesimen kezdesti.
Qazaqstandyq Beıbit Jýkaev Nontabýrıde (Taıland) ótip jatqan ATP Challenger Tour Bangkok Open 3 týrnırin jeńispen bastady, dep habarlaıdy Almaty-akshamy.kz QazAqparatqa silteme jasap.
Dúnıejúzilik reıtıńte 395-orynda turǵan B.Jýkaev alǵashqy aınalymda álemniń 331-raketkasy, Qazaqstan Prezıdenti kýbogynyń úsh dúrkin chempıony, reseılik Evgenıı Donskoımen kezdesti.
Qazaqstandyq tenısshi tartysty machta 7:6 (7:4), 7:6 (7:4) esebimen jeńiske jetti.
Eki saǵattan sál astam ýaqytqa sozylǵan báseke barysynda Jýkaev 7 eıs jasap, 8 breık-poınttyń ekeýin paıdalandy. Qarsylasy 9 eıs, 2 breıkpen (6 breık-poınt) kózge tústi.
Aqtaý tenıs mektebiniń túlegi shırek fınalǵa shyǵý úshin álemniń 242-inshi, jarystyń 1-raketkasy, japonıalyq Esýke Vatanýkımen talasady.
Taǵy bir qazaqstandyq, álemniń 250-raketkasy Tımofeı Skatov Sevılá (Ispanıa) chellendjer dodasynyń ekinshi aınalymyna shyqty. Ol bastapqy kezdesýinde álemniń 208-raketkasy, ıtalıalyq Raýl Brankachchıony 6:4, 6:4 esebimen tize búktirdi.
T.Skatov dúnıejúzilik reıtıńte 408-satyda turǵan ıspanıalyq Haver Kosano Barrankomen shırek fınal joldamasyn sarapqa salady.
Eske sala keteıik, budan buryn TOP-10-ǵa kiretin bes tenısshiniń Astana Open ATP 500 týrnırinde óner kórsetetinin jazǵan bolatynbyz.