Biregeı baǵdarlama usynylady.
Almatyda Shoqan Ýálıhanov atyndaǵy skverde (Shevchenko jáne Qonaev kósheleriniń qıylysy) ashyq aspan astynda Orkestrler festıvali ótedi. Kirý – tegin, dep habarlaıdy Almaty-akshamy.kz.
7 qyrkúıekte saǵat 20.00-de birden úsh mýzykalyq janrdy: qazaq fólklorlyq, sımfonıalyq jáne elektrondyq mýzykany biriktiretin biregeı baǵdarlama usynylady. Bir sahnada «Sazgen sazy» fólklorlyq-etnografıalyq ansambli jáne DJ PUZA-men birge Memlekettik sımfonıalyq orkestr óner kórsetedi. Baǵdarlamada qazaq, qazaqstandyq jáne eýropalyq sımfonıalyq zamanaýı mýzykalardyń jeke jáne birlesken shyǵarmalary oryndalady.
8 qyrkúıekte saǵat 20.00-de Qazaqstannyń eńbek sińirgen qaıratkeri Aleksandr Belákovtyń basqarýymen Aljazz simphony estradalyq-sımfonıalyq orkestriniń jáne Qazaqstannyń eńbek sińirgen qaıratkeri Qanat Ahmetovtiń basqarýyndaǵy QR Memlekettik almatylyq úrmeli orkestrleriniń súıemeldeýimen rok janryndaǵy baǵdarlama kórermen nazaryna usynylady. Konsertke Urker, Aldaspan, Lamp Orchestra sekildi Qazaqstannyń ataqty rok-toptary qatysady. The Beatles, Queen, Kıno, Scorpions, Status Quo, Aerosmith syndy rok janrynyń álemdik hıtteri, sonymen qatar qazaqstandyq rok-toptardyń hıtteri shyrqalady.