90-jyldary Germanıada qalǵan qazaq tankısi Nartaı týraly fılm Reseıde «Marıenplastaǵy orystar» degen ataýmen kórsetiledi.
Prodúseri Gúlnar Sarsenovanyń aıtýynsha, Eýropada bul kartınany jyly qabyldady. Reseı kórermenderiniń de kóńilinen shyǵady degen úmitte.
«Fılm bir jarym myń ekranda kórsetiledi. Bul Qazaqstandaǵydan 5 ese kóp. Reseı kórermeni ony asyǵa kútip otyr. Komedıa emes, adamdy oılandyratyn drama. Bul men túsirgen patrıottyq alǵashqy fılm»,- deıdi prodússer Gúlnar Sársenova.
Iana Skopına túsirgen «Jaqynda jaz bitedi» fılminiń jelisi kóp ulttyń ókili turatyn aýlanyń tynysymen órbıdi.
«Alǵashqy qarajatty Qazaqstannan aldyq. Reseı mádenıet mınıstrligi de qarjysyn qosyp, eki eldiń birlesken ónimi shyqty. 90-jyldardaǵy bir balanyń hıkaıasy jelisimen túsirilgen. Sol kezde barsha jurt Kashpırovskıı, Chýmakka qumar bolatyn. Bas keıipkeri de gıpnozben aınalysqan. Keńes Odaǵy ydyraýy aldyndaǵy jáne keıipkerdiń de balalyq shaǵynyń sońǵy jazy beınelenedi»,- deıdi rejıser Iana Skopına.
Qazaqstandyq fılmderdiń Reseıdegi tusaýkeseri Máskeý halyqaralyq kınofestıval aıasynda ótti.
«Nartaı» Reseıde prokatqa qyrkúıek aıynyń ortasynda, al «Jaqynda jaz bitedi» fılmi qazan aıynyń sońynda shyǵady. Kezinde jergilikti kınoteatrlar kontentiniń 80 prosentin quraǵan Gollıvýdtik fılmder Reseıge satylmaıtyn boldy. Sonyń arqasynda qazaq stýdıalarynyń týyndylaryna bul eldiń ekrandaryna jol ashyldy.