Eki márte el chempıony atandy.
«Dáýlet» tenıs ortalyǵynda ótken erler men áıelder arasyndaǵy Qazaqstan chempıonaty máresine jetti, dep habarlaıdy Almaty-akshamy.kz QazAqparatqa silteme jasap.
Qazaqstan tenıs federasıasynan málim etkenindeı, erler arasynda fınalda qysqy chempıonattaǵydaı, Beıbit Jýkaev pen Denıs Evseev ózara kezdesti.
Beıbit 7:6 (7:4), 6:4 esebimen jeńiske jetip, ekinshi ret Qazaqstan chempıony atandy.
Aqtaý tenıs mektebiniń túlegi Qazaqstan tenıs federasıasynyń prezıdenti Bolat Ótemuratovtyń sheshimimen Astana Open ATP 500 týrnırinde jekeleı synda óner kórsetýge joldama aldy. Bul B. Jýkaevtyń eń alǵashqy iri jarysy bolmaq. Sondaı-aq, ol juptyq synda Aleksandr Býblıkpen birge baq synaıdy. Denıs Evseev pen Grıgorıı Lomakın de juptyq synda básekege túsedi.
Dostanbek Tashbolatovty 6:4, 6:4 esebimen jeńgen qaraǵandylyq Aryslanbek Aıtqulov alǵash ret qola júldege ıe boldy.
Áıelder arasynda Gózal Aınıtdınova Qazaqstannyń áldeneshe dúrkin jeńimpazy Jibek Qulambaevany 6:2, 6:1 esebimen tize búktirip, altynnan alqa taqty.
Janel Rústemovany 7:5, 6:4 esebimen súrindirgen Marıa Sınısyna úzdik úshtikke ilikti.
Eske sala keteıik, budan buryn qazaqstandyq tenısshiniń Argentınadaǵy jarystyń shırek fınalyna shyqqanyn jazǵan bolatynbyz.