Almaly aýdanynyń turǵyndary ýchaskelik ınspektorlar men patrúldik polısıa qyzmetkerlerine alǵystaryn bildirdi.
Qoǵam qaıratkerinen Almaty qalalyq PD basshylyǵynyń atyna tártip saqshylarynyń óz mindetterin adal atqarǵanyn atap ótken alǵys hat kelip tústi, dep habarlaıdy Almaty-akshamy.kz Polisia.kz-ke silteme jasap.
Hat avtory Arbat pen oǵan irgeles aýmaqqa qyzmet kórsetetin polıseılerdiń muqıat kózqarastary úshin alǵysyn bildiredi. Onyń ishine qart adamnyń turǵylyqty jerine jaqyn ornalasqan polısıa modýli, osy aımaqtyń ýchaskelik ınspektorlary, dabyldarǵa dereý áreket etetin patrúldik ekıpajdar da kiredi.
«Eki úıdiń arasynda tynysh kóshede jastar jıi jınalady, áýen qatty oınaıdy, kóliktermen drıft jasaıdy. Bizdiń qaýipsizdigimizge, tynyshtyqqa jáne óz mindetterińizge adal kózqaraspen qarap, qyzmet jasap jatqandaryńyz úshin raqmet. Meniń alǵys sózderim – qala aýdandaryn kúni-túni patrúldeıtin, mindeti árqashan qyraǵy bolyp, kez kelgen jaǵdaıda kómekke keletinder úshin qosymsha yntalandyrý bolady», – dedi úndeý avtory.