Teńiz astyndaǵy 100 kún

Florıdalyq bıomedısınalyq ınjener Djozef Dıtýrı 100 kúnin teńizdiń astynda ótkizdi.
Sóıtip, sý astynda ómir súrýden jańa rekord ornatyp, búgin jer betine shyqty. Zertteýshi teńiz túbindegi arnaıy turaqqa naýryzda túsip, úsh jarym aıǵa jýyq ómir súrgen,  dep  habarlaıdy Almaty -akshamy. kz
24.kz aqparaty  boıynsha,  zertteýshi osy aralyqta medısınalyq jáne sý asty  zertteýlerin júrgizip,  Ońtústik Florıda ýnıversıtetiniń stýdentterine dáris te oqyǵan. Dese de negizgi zertteý taqyryby uzaq merzimdi ekstremaldy qysym men oqshaýlanǵan ortanyń adam aǵzasyna áserin baqylaǵan. Sebebi, bul tájirıbe bolashaqta túpsiz tuńǵıyqqa jasalatyn zertteýler úshin paıdaly bolmaq deıdi mamandar.
Aıta keteıik, buǵan deıin sý astyndaǵy qosynda eń uzaq ómir súrý rekordy 2014 jyly bolǵan. Ol kezdegi rekord 73 kún edi. Al Djozef Dıtýrı teńiz astynda týra 100 kún ómir súrdi. 
«Maqsatym eshqashan rekord ornatý bolǵan emes. Bul qumǵa syzyq syzǵan sekildi qıyn bolsa da sý asty áleminde adamnyń tózimdiligin keńeıtý, oqshaýlanǵan, shekteýli, ekstremaldy ortaǵa qalaı beıimdeletinin kórý kerek boldy»,  - deıdi  bıomedısınalyq  ınjener  Djozef Dıtýrı.