Sochıde parahokkeıden IV qurlyqtyq kýbok aıaqtaldy.
Sport dodasyna Qazaqstan, Armenıa, sondaı-aq Reseıdiń eki quramasy qatysty, dep habarlaıdy Almaty-akshamy.kz.
Sports.kz taratqan aqparatqa sáıkes, toptyq kezeńde qazaqstandyq para hokeıshiler Reseı-1 (8:0) jáne Reseı-2 (9:1) komandalaryna ese jiberip, Armenıany 13:0 esebimen jeńdi. Úshinshi oryn úshin ótken machta otandastarymyz Armenıamen qaıta kezdesip, 8-0 esebimen senimdi túrde jeńiske jetti.
«Árıne, medal jeńip alǵan jaqsy. Buǵan eki jyl ishinde qol jetkizdik. Medal alǵanymyzǵa áli sene almaı turmyz. Buǵan qajyrly eńbektiń arqasynda jettik. Osyndaı týrnır úshin komandama, uıymdastyrýshylarǵa raqmet aıtamyn. Bıyl biz álem chempıonatyna qatysamyz. Onda da laıyqty óner kórsetip, el namysyn halyqaralyq deńgeıde sátti qorǵaımyz dep úmittenemiz. Jarystardan jaqsy tájirıbe jınadyq, bul bizdi úlken jetistikterge jeteleıdi. Biz álem chempıonatynyń joǵarǵy tobyna ilinip, Paralımpıadada oınaǵymyz keledi. Bul – bizdiń maqsatymyz. Osyny armandaımyz» – dedi parahokkeıden Qazaqstan quramasynyń shabýylshysy Qaırat Sabyrov.