Premer-mınıstr Álıhan Smaıylov Abaı oblysyndaǵy iri tabıǵı órtti joıý jáne odan zardap shekken otbasylarǵa qajetti qoldaý sharalaryn kórsetý máseleleri jóninde jedel keńes ótkizdi.
Bul týraly Úkimettiń baspasóz qyzmetinen málim etti, dep habarlaıdy Almaty -akshamy. kz
Tótenshe jaǵdaılar mınıstri Syrym Sháriphanov Abaı oblysyndaǵy jaǵdaıdy baıandady. Ormandaǵy órt jeldiń áserinen ońtústikke baǵyt alǵan. Mınıstrdiń aıtýynsha, túnde órtti sóndirý jumystary úsh baǵytta júrdi: ońtústik, batys jáne soltústik-shyǵys. Osynyń arqasynda negizgi oshaq is júzinde qorshaýǵa alyndy. 12 maýsymda tańǵy saǵat 06:00-den bastap órt sóndirý jumystary qaıta bastaldy. Qazirgi ýaqytta 1 530 adam, 320 tehnıka jáne 14 tikushaq jumyldyrylǵan.
Sondaı-aq Abaı oblysynyń ákimi qazirgi jaǵdaı týraly Nurlan Uranhaev baıandama jasady.
Úkimet basshysy oqıǵaǵa baılanysty 10 kúnniń ishinde qorytyndy jasaýǵa tapsyrma berdi jáne Abaı oblysyndaǵy jedel shtab otyrysynda bergen tapsyrmalaryn oryndaý úshin qaza tapqandardyń otbasylaryna «Qazaqstan halqyna» qorynan 7 mln teńgeden, sondaı-aq kámeletke tolmaǵan ár balaǵa 2 mln teńgeden tólenetin aıtty.
Sonymen qatar 40-tan astam qazaqstandyq JOO órtten zardap shekken otbasylardyń stýdentterine granttar men jataqhanadan oryn berýge daıyn. Oǵan qosa aqyly negizde oqıtyn stýdentter men magıstranttardy grantqa aýystyrý kózdelgenin atap ótti.