Temirtaýda aýyz sýmen qamtamasyz etetin sý qubyry ýchaskesinde tehnologıalyq aqaý paıda boldy.
Osyǵan baılanysty qalada tótenshe jaǵdaılar rejımi engizildi, dep habarlaıdy Almaty-akshamy.kz El.kz aqparat agenttigine silteme jasap.
Bul týraly qala ákimi Oraz Táýirbekov turǵyndarǵa beıneúndeý jasap, ony jeli paraqshasynda jarıalady.
«Qurmetti temirtaýlyqtar, ókinishke oraı keshe oń jaǵalaý turǵyndaryn aýyz sýmen qamtamasyz etetin sý qubyry ýchaskesinde paıda bolǵan tehnologıalyq aqaýǵa baılanysty, biz bul aımaqqa aýyz sý berýdi ýaqytsha toqtatýǵa májbúr boldyq. Jaǵdaıdy esepke ala otyryp jáne qoldanystaǵy zańnamada kózdelgen normalarǵa súıenip meniń ókimimen tótenshe jaǵdaılar rejımi engizildi. Bul rejım sheńberinde qajetti qarajatty bólý jáne merdigermen arnaıy tehnıka jumyldyrylyp, aýyz sýmen qamtamasyz etý máselesin qysqa merzimde turaqtandyratyn bolamyz», - dedi Temirtaý ákimi.