Talǵar aýdandyq sotynyń sýdıasy Eraly Bekbaev qandaı tártiptik jaza úshin qyzmetinen bosatylǵany belgili boldy.
Aıta keteıik, aqpanda Prezıdent jarlyǵymen 23 sýdıa qyzmetinen bosatyldy. Talǵar aýdandyq sotynyń sýdıasy Eraly Bekbaev teris qylyq jasaǵany úshin bosatyldy, dep habarlaıdy Almaty-akshamy.kz.
Joǵarǵy sot keńesinde Eraly Bekbaev sýdıalyq etıkaǵa qaıshy keletin teris qylyq jasaǵany úshin tártiptik jaýapkershilikke tartylǵany aıtyldy.
«Sýdıa aýdandyq sot apparatynyń qyzmetkerine balaǵat sóz aıtyp, dóreki túrde qarym-qatynas jasady. Prezıdenttiń 2024 jylǵy 22 aqpandaǵy № 486 jarlyǵymen E.E. Bekbaev Almaty oblysy Talǵar aýdandyq sotynyń sýdıasy qyzmetinen sot júrıiniń tártiptik teris qylyq jasaǵany úshin sýdıany qyzmetinen bosatý qajettigi týraly sheshimi negizinde bosatyldy», - dep jazylǵan Sot keńesiniń jaýabynda.