Áleýmettik jelilerde QR Mádenıet jáne aqparat mınıstri Aıda Balaevanyń sýretimen jalǵan jarnama taratylýda.
Mátinde Memleket basshysy qazaqstandyqtarǵa tólemder taǵaıyndaýdy tapsyrǵany aıtylǵan. Stopfake.kz saıtynda bul aqparattyń feık ekeni aıtylǵan, dep habarlaıdy Almaty-akshamy.kz.
Jalǵan jarnamany taratýshylar kúmándi silteme boıynsha ótýdi usynady. Qandaı soma taǵaıyndalǵanyn bilý úshin adam jeke tulǵanyń biregeı nómirin (JSN) engizýge tıis. Belgisiz saıttarda jeke derekterdi qaldyrmaǵan jón. Alaıaqtar olardy jeke maqsatta paıdalanady.
Qazaqstan Prezıdenti Qasym-Jomart Toqaevtyń resmı caıtynda tólemder týraly aqparat bolmaǵan jáne joq.
QR Mádenıet jáne aqparat mınıstrligi de barlyq jańalyqtardy resmı portalda jarıalaıdy. Onda da tólemder týraly aqparat joq.
Mundaı habarlamaǵa senbegen jón. Bul alaıaqtardyń isi. Buǵan deıin Jelide QR Qarjy mınıstrligi men Ulttyq qordyń atynan tólenetin tólemder týraly osyndaı feık aqparattar taraǵan bolatyn.