Qaraǵandy oblysy men Temirtaý qalasynyń birneshe aýylynda jergilikti aýqymdaǵy tabıǵı tótenshe jaǵdaı jarıalanýy múmkin, dep habarlaıdy almaty-akshamy.kz.
"Qazaqstan Respýblıkasynyń "Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly" Zańynyń 33 baby 1 tarmaǵynyń 13) tarmaqshasyna, "Azamattyq qorǵaý týraly" Zańynyń 50 babyna jáne 48 baby 2 tarmaǵynyń 2) tarmaqshasyna, Qazaqstan Respýblıkasy Tótenshe jaǵdaılar jónindegi mınıstriniń mindetin atqarýshynyń 2023 jylǵy 10 mamyrdaǵy №240 "Tabıǵı jáne tehnogendik sıpattaǵy tótenshe jaǵdaılardyń synyptamasyn belgileý týraly" buıryǵyna sáıkes, Qaraǵandy oblysy Shet aýdanyna qarasty Aqsý-Aıýly aýyldyq okrýgi jáne Aqshataý kentiniń aýmaǵynda jergilikti aýqymdaǵy tabıǵı sıpattaǵy tótenshe jaǵdaı jarıalansyn", - dep jazylǵan qujatta.
Temirtaýda da jergilikti tabıǵı tótenshe jaǵdaı jarıalanýy múmkin.
10 qańtarda Temirtaýda qatty boran men jeldiń saldarynan keıbir turǵyndar baılanyssyz qaldy. Kóptegen qala turǵyndary úılerinde jaryq, jylý jáne sýdan aıyryldy.