İs-shara qaladaǵy qoǵamdyq kólik jolaýshylaryna qaýipsiz ári jaıly jaǵdaı jasaý maqsatynda ótkizilip jatyr.
Almatyda 11-15 qańtar aralyǵynda jergilikti atqarýshy organdarmen, kólik mınıstrligi kólik komıtetiniń aýmaqtyq bólimshelerimen jáne jurtshylyq ókilderimen birlesip “Tasymaldaýshy” jalpy respýblıkalyq jedel-profılaktıkalyq is-sharasy ótýde, dep habarlaıdy Almaty-akshamy.kz Polisia.kz-ke silteme jasap.
Maqsat – qoǵamdyq kóliktegi kez kelgen quqyq buzýshylyqqa múldem tózbeýshilik jáne júrgizýshiler men jolaýshylardyń qaýipsizdigin qamtamasyz etý.
«Barlyq jer qaýipsiz bolýy kerek, sonyń ishinde qoǵamdyq oryndarda jáne jolaýshylar kóliginde de. Tájirıbe kórsetkendeı, zańdylyq pen tártipti buzýdyń ádetten tys derekteri qaıtymsyz saldary bar oqıǵalarǵa ákelýi múmkin», – dedi, PD-de. İs-sharanyń eki kúniniń ishinde Almaty jolaýshylar kóliginde 134 quqyq buzýshylyq anyqtaldy. Sonyń ishinde jıi kezdesetini – azamattarǵa tıisý jáne qoǵamdyq oryndardy lastaý.
Sonymen qatar jergilikti polısıa qyzmetiniń habarlaýynsha, qoǵamdyq kólikterde alkogóldik ishimdikterdi ishý, temeki buıymdaryn paıdalaný jáne usaq buzaqylyq derekteri kezdesedi.