Qazaqstandyq Álınur Jeńis atty arý Qytaıda tanyldy, dep habarlaıdy almaty-akshamy.kz 24 kz-ke silteme jasap.
Eki el arasynda túrli forýmdar ótkizgen ol «Dostyq elshisi» nagradasyn aldy. Buǵan deıin mundaı marapat tek Dımash Qudaıbergenge berilipti. Álınur munymen shektelmeı, jeke kásipkerlikti de qolǵa alǵan. Búginde óz kosmetıkalyq brendin qalyptastyryp, elimizde kásibin órletip júr.
Aspan asty elinen 15 jyl buryn kóshken Álınur: «atajurtta baǵym ashyldy», -deıdi. Elde 6 jyl tegin oqyp, qalaǵan isimen aınalysýǵa múmkindik alǵan.
Álınur Jeńis, kásipker: - Durys sheshim qabyldaǵan ákemizge raqmet. Sebebi mıllıardtaǵan qytaılardyń ishinde jaı ǵana bir múshesi bolamyz ǵoı. Elimizdi tapqanyma rızamyn.
Álınur kásibı dıplomat bolmasa da, Qytaı men Qazaqstan arasyndaǵy halyq dıplomatyna aınaldy. 10 jyl boıy túrli forým men kórme ótkizip, halyq jadynda qaldy. El damýy úshin sheteldik ınvestorlardy tartty. Áste bul eńbegi eskerýsiz qalǵan joq.
Álınur Jeńis, kásipker: - Eki el arasyndaǵy «Dostyq elshisi» degen nagradany alamyn. Sebebi 10 jyl boıy Qytaı eli biledi, men Qazaqstannyń qonaqjaı el ekenin, bolashaǵy bar el ekenin kórsetý úshin tekten-tekke aqsha tappaı, jumys istep ketemin aýdarmaǵa da, forýmǵa da, is-sharaǵa.
Búginde Álınur alǵashqylardyń biri bolyp ulttyq naqyshtaǵy kosmetıka ónidmerin shyǵarady. 20 elde tutynýshysy bar brend ulttyq bolmysymyzdy odan ári tanytsa eken deıdi. Kásibi órlese, zaýyt ashýǵa nıetti.
Álınur Jeńis, kásipker: - Betke ustar vızıtka deıdi ǵoı, sondaı bolsa eken deımin. Óıtkeni shetelde kóptegen kisiler keledi de aıtady. Sizderde shokolad pen baldan basqa nárse joq áýejaıda dep. Sondyqtan men áýejaılarǵa kirgim keledi. Bizdiń eldiń ónimderi de, basqa brendter emes, ulttyq naqyshtaǵy ónimder bar ekenin.
Kásipkerdiń maqsat-muraty munymen shektelmeıdi. Halyqaralyq standartqa saı úlken balabaqsha ashýdy kózdeıdi. Bastysy, kásip bastaýǵa nıet bolsa, elde buǵan barlyq jaǵdaı jasalǵan, - deıdi.
Istochnık: https://24.kz/kz/zha-aly-tar/o-am/item/634811-aza-yzy-ytajda-tanyldy
Qoldanylǵan materıaldarǵa mindetti túrde www.24.kz saıtyna gıpersilteme berilýi tıis