Tergeý júrgizilýde.
Qaraǵandy oblystyq Polısıa departamenti esirtkige qarsy is-qımyl basqarmasynyń qyzmetkerlerimen Temirtaý qalasynda júrgizilgen keshendi jedel-izdestirý is-sharalary barysynda 22 jastaǵy azamatsha ustaldy, dep habarlaıdy Almaty-akshamy.kz Qaraǵandy oblysynyń PD baspasóz qyzmetine silteme jasap.
Tekseris barysynda polısıa qyzmetkerleri odan erekshe ıisti, untaq tárizdi 300 oram zat tárkiledi.
«Júrgizilgen saraptama nátıjesine sáıkes, tárkilengen zat jalpy salmaǵy 387 gr. eki túrdegi sıntetıkalyq esirtki zat ekeni anyqtaldy. Ustalǵan azamatshadan jaýap alý barysynda kúdikti tárkilengen zattardy ınternet-dúkennen alyp, eki aı boıy satyp júrgendigi týraly moıyndaý kórsetpe belgilerin berdi. Atalǵan derek boıynsha tergeý amaldary júrgizilýde. Kúdikti azamatsha ýaqytsha ustaý ızolátoryna qamaldy»,-dedi Qaraǵandy oblystyq Polısıa departamenti bastyǵynyń orynbasary Ábil Ábildın.