Almatyda Natalıa Sas atyndaǵy balalar men jasóspirimderge arnalǵan memlekettik akademıalyq teatrynda «Sas. Bir daıyndyqtyń hronıkasy» spektakliniń mereıtoılyq premerasy ótti.
Rejıser Elena Pánovanyń qoıylymy Halyq artısi jáne elimizdegi alǵashqy balalarǵa arnalǵan teatrdyń quryltaıshysy Natalıa Sastyń 120 jyldyǵyna arnalǵan, dep habarlaıdy Almaty-akshamy.kz 24.kz-ke silteme jasap.
Spektáklde óner ıesiniń qoıylymǵa daıyndyǵy sahnalandy. Ol sonaý 1945 jyldyń 7 qarashasynda Evgenıı Shvarstyń «Qyzyl telpek» áńgimesin kórermenge usynǵan edi. Premeraǵa Mádenıet jáne aqparat mınıstri jáne basqa da otandyq, sheteldik qonaqtar keldi. Teatrdyń kireberisinde «Sas ýaqyty» atty fotokórme uıymdastyryldy.
«Biz osy spektákl men kórme arqyly Natalıa Sastyń 120 jyldyǵyn qorytyndylaımyz. Reseıdiń Teatr mýzeıi qoldaý kórsetip, kórmeniń kórkin asha tústi. Olar Natalıa Sastiń jeke zattary, qujattary men tyń sýretterin alyp keldi. Bizdiń teatr ashylyp, alǵashqy «Qyzyl telpek» spektaklinde kıgen 2 kostúmdi de kórmege shyǵardyq», - deıdi teatrdyń ádebıet-dramatýrgıa bóliminiń jetekshisi Tatána Karamysheva.