Aksızdik markalary joq jarty mıllıonǵa jýyq qorap temeki tárkilendi. Qaraǵandy turǵynynan aksızdik markalary joq jarty mıllıonǵa jýyq qorap temeki tabyldy, dep habarlaıdy Almaty-akshamy.kz BAQ.KZ-ke silteme jasap.
Agenttiktiń oblystyq departamentiniń qyzmetkerleri kóleńkeli ekonomıka salasynda jedel izdestirý is-sharalaryn júrgizip, onyń barysynda qala turǵynynyń zańsyz kásipkerlik qyzmeti áshkerelendi.
Qoımalardy tintý kezinde jalpy somasy 432 myńnan astam qorapty quraıtyn ártúrli markaly jáne ataýdaǵy temeki ónimderi tabylyp, tárkilendi.
Mamandardyń qorytyndysyna sáıkes, esepke alynbaǵan tárkilengen temeki ónimderiniń jalpy quny 280 mıllıon teńgeden asady.
Sotqa deıingi tergeý bastalyp, jedel-izdestirý sharalary júrgizilýde.
QMA kóleńkeli ekonomıkamen kúres jumysyn jalǵastyratyn bolady. Ótken jyldyń ózinde ǵana Agenttik qabyldaǵan sharalar kesheni kóleńkeli ekonomıka deńgeıin 19,7%-ǵa deıin tómendetýge oń áser etti, bul rette boljamdyq mán 21,5%-dy qurady