Temeki tútini men tuqyldaryndaǵy ýly zattar antıbıotıkterge tózimdi bakterıalardyń ósýi men taralýyna yqpal etip, ekologıa men temeki shegýshilerdiń densaýlyǵyna qaýip tóndiredi.
Bul týraly Drezden tehnıkalyq ýnıversıtetiniń ǵalymdary Environmental Health Perspectives jýrnalynda jarıalanǵan zertteýinde málimdedi, dep habarlaıdy aqshamnews.kz.
Zertteý avtorlarynyń derekterine sáıkes, temeki súzgileri sýǵa túskende qaýipti mıkroorganızmderdiń kóbeıýine jaǵdaı jasaıdy. Temeki tuqyldarynda mekendeıtin bakterıalar antıbıotıkterge tózimdilikke ıe bolyp, keıin ózender, kólder men jaǵajaılar arqyly taralyp, adamdar úshin qaýip tóndiredi.
Temeki shegýdiń qaýiptiligi tek qorshaǵan ortanyń lastanýymen shektelmeıdi. Eksperımentter kórsetkendeı, temeki shegýshilerdiń ókpesinde bakterıalar arasynda tózimdilik genderiniń berilýine qolaıly jaǵdaılar qalyptasady. Bul pnevmonıa sıaqty juqpaly aýrýlardyń emdelmeý yqtımaldyǵyn arttyrady.
Ǵalymdar mundaı ózgerister standartty terapıaǵa baǵynbaıtyn ólimge ákeletin ınfeksıalardyń kóbeıýine ákelýi múmkin ekenin atap ótedi. Olar antıbıotıkterge tózimdi bakterıalardyń taralýyn báseńdetý úshin temeki qaldyqtaryn kádege jaratýdy qatań baqylaýdy usynýda.