2025 jyldyń basynan beri 22,5 myń azamat, onyń ishinde shamamen 17,6 myń jumyssyz Skills Enbek kásiptik oqytý platformasynda onlaın-kýrstardan ótkeni týraly sertıfıkattar aldy.
Platformada barlyǵy 527,5 myń qazaqstandyq tirkelgen, onyń 28,8 myńy – 2025 jyly tirkeldi, dep habarlaıdy aqshamnews.kz.
Bul rette platforma jumysynyń barlyq kezeńinde 433,4 myń adam oqýdan ótti.
Oqýdan ótken 17,6 myń jumyssyz azamattyń 4,4 myńǵa jýyǵy negizinen Aqtóbe, Túrkistan, Qostanaı oblystarynyń jáne Shymkent qalasynyń jastary.
Platforma iske qosylǵannan bastap avtorlar ártúrli baǵyttar boıynsha 859 kýrs jarıalady, onyń 313-i tegin. Sondaı-aq, odan ári oqý úshin bilim berý alańdaryna aýysý múmkindigimen Courstore, Fluent Education jáne Iandeks Qazaqstan seriktesteriniń kýrstary bar.
Kýrstardyń uzaqtyǵy 1-den 72 saǵatqa deıin.
Aqpan aıyndaǵy eń kóp suranysqa ıe kýrstar – «Strahovoı agent», «Kasır», «Postroenıe otdela prodaj v otele», «Osnovy kommýnıkasıı ı pravıla obshenıa s lısamı s ınvalıdnostú ı osobymı potrebnostámı» jáne «Prodaves».
Platformada áleýmettik qyzmet kórsetý, týrızm, munaı, gaz, resýrstardy óndirý, quqyqtaný jáne t.b. salalardaǵy túrli mamandyqtar boıynsha tegin kýrstar sany únemi artyp keledi.
Budan buryn habarlaǵandaı, Platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol marketpleıs – qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan.