Teleradıo habarlaryn taratý jelilerinde josparly-profılaktıkalyq jumystar júrgizilýde.
Osyǵan baılanysty, ıaǵnı jumystar júrgizilgen kezde Qazaqstannyń barlyq aýmaǵynda teleradıoarnalardy retranslásıalaý ýaqytsha toqtatylady, dep habarlaıdy Almaty-akshamy.kz Kazteleradio.kz-ke silteme jasap.
2022 jyldyń 20 sáýir aıynda saǵat 03:00 men 17:00 aralyǵynda (Nur-Sultan qalasynyń ýaqytymen) jerseriktik, sıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi.
«Qazteleradıo» AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi. Bul jumystar teleradıo habarlaryn sapaly taratýdy qamtamasyz etý úshin qajet, al toqsan saıynǵy josparly-profılaktıkalyq jumystar servısti uzaq ýaqyt óshirýge múmkindik beredi, sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da júzege asyrylady. Ýaqytsha qolaısyzdyqtar úshin keshirim ótinemiz», - dep jazylǵan saıt taratqan aqparatta.