Shomylatyn jerdiń de mańyzy zor.
Almaty qalalyq sanıtarlyq-epıdemıologıalyq baqylaý departamenti sý qoımasynyń túrine qaramastan, teńiz, kól, ózen nemese toǵan bolsyn, ár adam sýǵa túsý kezinde ózin-ózi ustaý erejeleri men qaýipsizdik sharalaryn bilip, qatań saqtaýy kerektigin eske salady, dep habarlaıdy Almaty-akshamy.kz NewTimes.kz-ke silteme jasap.
Resmı túrde bekitilgen jaǵajaıda demalys pen sýǵa shomylý eń qaýipsiz, óıtkeni ol jerde qutqarýshylar, medısına qyzmetkerleri kezekshilikte bolady jáne, eń bastysy, sýdyń kúıi baqylanady.
Aǵymdaǵy jyly qaladaǵy ekinshi sanattaǵy 30 ashyq sý qoımasynda sanıtarlyq-epıdemıologıalyq monıtorıń júrgiziledi. Olar - Alataý aýdany aýmaǵynda 5 ashyq sý qoımasy, Almaly aýdanynda 3, Áýezov aýdanynda 2, Bostandyq aýdanynda 2, Jetisý aýdanynda 4, Medeý aýdanynda 8 jáne Túrksib aýdanynda 6 ashyq sý qoımasy. Al mıkrobıologıalyq, sanıtarlyq-hımıalyq, radıologıalyq jáne parazıtologıalyq kórsetkishter boıynsha toqsan saıyn keminde bir ret zerthanalyq sý baqylaýy júrgiziledi.
Búgingi kúni Almatydaǵy sý aıdyndarynda turǵyndardyń jappaı demalýy, týrızm jáne sýdaǵy sport úshin 4 demalys orny belgilendi:
D.Qonaev atyndaǵy Úlken Almaty Kanalyndaǵy – «Baým baǵy» jaǵajaıy; D.Qonaev atyndaǵy Úlken Almaty Kanalyndaǵy – «Gúlder» demalys aımaǵynyń jaǵajaıy;
Saıran kóliniń shyǵys jáne batys jaǵy.