Endi vıdeoda aıtylǵan sózdi ekranda mátin qyp oqýǵa bolady.
Telegram messendjeriniń sońǵy jańartýyna baılanysty onda birneshe jańa múmkindikter paıda boldy, dep habarlaıdy Almaty-akshamy.kz
Telegram Premium qoldanýshylary vıdeodaǵy aýyzeki sóılemdi mátinge aınaldyrý múmkindigine ıe boldy. Buryn bul fýnksıa tek daýystyq habarlamalarmen jumys istese, endi «beıne sheńberler» dep atalatyn fýnksıasyna da jumys isteıtin bolady. Bul, ásirese, smartfondaǵy dybysty qospaıtyn jáne qulaqqapty qoldanbaıtyn paıdalanýshylar úshin óte yńǵaıly. Sebebi, vıdeoda aıtylǵan sózdi ekranda mátin qyp oqýǵa bolady.
Sonymen qatar, endi siz ádettegi nıkneımnen bólek, Fragment platformasynda satylatyn qosymsha ataýlardy akkaýntqa baılaı alasyz. Olar kádimgi nıkneım sıaqty jumys isteıdi. Qalasańyz, satyp alǵan laqap atty óshirýge nemese qaıta satýǵa múmkindigińiz bar.
Sondaı-aq, qatysýshylardyń sany 200-den asatyn toptardyń admınderi negizgi top ishinde jeke chattar túrinde taqyryptar boıynsha pikirtalas qurýǵa múmkindik aldy. Odan bólek, 12 jańa emodzı jıyntyǵy qosyldy. Telegram Premium paıdalanýshylary olardy statýs retinde paıdalana alady.