«Atameken» QR Ulttyq kásipkerler palatasynyń sarapshylary elimizdegi turǵyn úı naryǵyna taldaý jasady.
Tabysy ortasha qazaqstandyq 1 sharshy metr de baspana ala almaıdy, dep habarlaıdy Almaty-akshamy.kz.
Olardyń aıtýynsha, qarapaıym jalaqysy bar qazaqstandyqtar jańa ǵımarattan nebári 0,76 sharshy metrdi nemese qaıtalama naryqta 0,68 sharshy metrdi ǵana satyp ala alady. Ortasha jalaqy - 322,9 myń teńge.
Sondaı-aq halyq arasynda ıpotekaǵa da suranys artyp keledi. Ulttyq banktiń málimeti boıynsha, jyl basynan beri ıpotekalyq nesıelendirý 1 trln teńgege (28,6%) ósken. Jalpy kólemi 4,2 trln teńgeni qurady.
«2022 jyldyń 9 aıynda ıpotekalyq nesıelendirýdiń aıtarlyqtaı artýy turǵyn jyljymaıtyn múlik qunynyń, onyń ishinde bastapqy turǵyn úı 10,5%-ǵa, qaıtalama turǵyn úı 16,1%-ǵa jáne jalǵa beriletin turǵyn úı qunynyń 35,8%-ǵa ósýine baılanysty boldy», - deıdi sarapshylar.
Mamandar jalǵa berý naryǵy respýblıka turǵyndary úshin de qoljetimsiz bolyp qalǵanyn aıtady.
«Sonymen, eger jyl basynda qazaqstandyqtardyń ortasha jalaqysyna 83 sharshy metr turǵyn úı alýǵa múmkin bolsa, qyrkúıekte bul kórsetkish 70 sharshy metrge deıin tómendedi», - dep atap ótti olar.