Bul zańnamaǵa ózgerister engizýdi talap etedi.
Saılaýda Qazaqstan azamatynyń elektrondyq sıfrlyq qoltańbasyn paıdalana otyryp, onlaın daýys berý múmkindigi zerttelip jatyr, dep habarlaıdy Almaty-akshamy.kz
Bul týraly QR Ortalyq saılaý komısıasynyń múshesi Anastasıa Shegorsova aıtty.
Múgedekterdiń saılaý quqyqtaryn qamtamasyz etý jónindegi múddeli memlekettik organdar men qoǵamdyq birlestikterdiń jumys tobynyń múshesi, Qamqor plus múgedekter qoǵamdyq birlestiginiń tóraǵasy Nıaz Súndetalıev qazaqstandyqtardyń jekelegen sanattaryna onlaın daýys berý múmkindigin berýdi usyndy.
«Azamattyń elektrondyq sıfrlyq qoltańbasyn paıdalana otyryp, onlaın daýys berý mehanızmin ázirleý jáne engizý usynysy zerdelenýde, ol zańnamany ózgertýdi talap etedi, ony bólek pysyqtaý qajet», dedi Anastasıa Shegorsova.
Ortalyq saılaý komısıasynyń málimetinshe, jumys tobynyń múshelerinen barlyǵy 30 usynys túsken. Olardyń keıbireýleri daýys berýge arnalǵan úı-jaılardy jabdyqtaýǵa, sondaı-aq saılaýdy qamtamasyz etýge múmkindigi shekteýli azamattardy, eriktiler men sýrdoaýdarmashylardy tartý jónindegi usynystar.