Túrkistan oblysynyń prokýratýrasy «Telegram» áleýmettik jelisine taldaý júrgizý barysynda pornografıalyq sıpattaǵy, onyń ishinde kámeletke tolmaǵandardyń qatysýymen foto/beıne materıaldardy kórýge arnalǵan aqyly arnany tapty.
Bul týraly Túrkistan oblysynyń prokýratýrasynyń baspasóz qyzmeti málimdegen, dep habarlaıdy aqshamnews.kz.
Atalǵan fakti boıynsha qaýly shyǵarý arqyly jedel-izdestirý is-sharalary bastaldy.
Osylaısha, tekserý barysynda «Telegram» jelisinde 2500 teńgege pornografıalyq beınerolıkter, onyń ishinde kámeletke tolmaǵandar men mektep oqýshylaryna qatysty materıaldar usynylǵany anyqtaldy.
— Saıtta barlyǵy 8012 jazylýshy tirkelgen. Jeli aýdıtorıasy Qazaqstan jáne TMD elderiniń jazylýshylary. Arnaıy is-sharalarynyń nátıjesimen saıt uıymdastyrýshylary men qaraý, kirý jáne jazylý úshin aqsha tólenetin droperler anyqtaldy. 14 naýryz kúni oblys prokýratýrasynyń úılestirýimen Uıymdasqan qylmysqa qarsy kúres basqarmasymen atalǵan top músheleri Túrkistan jáne Qyzylorda oblystarynda ustaldy. Uıymdastyrýshy buǵan deıin aýyr qylmys jasaǵany úshin sotty bolǵan, qazirgi tańda ol qamaýǵa alynǵan, — delingen habarlamada.
Atalǵan faktiler boıynsha QK 311-baby jáne 312-babynyń 1-bóligi boıynsha sotqa deıingi tergep-tekserý bastalǵan.
Budan bólek, prokýratýranyń nusqaýymen «Telegram» jelisindegi 8 myń jazylýshysyna qatysty olardyń áreketterinde pedofılıa belgileriniń bar-joǵy jáne osyǵan uqsas qylmystar úshin buryn sottalǵandardy anyqtaý baǵytynda tekserý jumystary bastaldy.
Quqyqqa qaıshy nıet rastalǵan jaǵdaıda mundaı adamdardy ýákiletti jáne quqyq qorǵaý organdary esepke alatyn bolady.