Eger siz jańadan salynatyn úı satyp alýdy oılasańyz, EGov Mobile mobıldi qosymshasynda iske qosylǵan jańa qyzmet arqyly qurylys obektileriniń zańdylyǵyn ońaı teksere alasyz, dep habarlaıdy aqshamnews.kz.
Bul servıs ásirese úleskerler úshin óte tıimdi, óıtkeni olar úı satyp alýdan buryn onyń zańdy qurylysqa ruqsaty bar-joǵyn bile alady.
Qurylys obektileriniń zańdylyǵyn tekserý úshin tómendegi úsh qarapaıym qadamdy oryndańyz:
-
EGov Mobile qosymshasyna kirińiz.
-
«Basty» bóliminde «Basqa qyzmetter» batyrmasyn basyńyz.
-
Qyzmetter tiziminen «Turǵyn úı portalyn» taýyp, ony tańdańyz.
Bul qadamdardan keıin siz turǵyn úı portalyna ótesiz. Obektini tekserý úshin qurylys kompanıasynyń:
-
BSN/BIN nómirin,
-
Kompanıa ataýyn nemese
-
Turǵyn úı kesheniniń ataýyn engizý qajet.
Qazirgi tańda Qazaqstanda qurylysqa ruqsaty joq 181 obekt bar eken. Onyń 100-i Almaty qalasynda, 26-sy Astana qalasynda, al Shymkent, Aqtóbe jáne Mańǵystaý oblystarynda árqaısysynda 10 nysannan bar.
Sondyqtan, úı satyp almas buryn onyń zańdylyǵyna nazar aýdaryńyz. Qurylys ruqsaty bar úıge aqsha salý sizdiń bolashaqtaǵy qatelikterden qorǵaıdy.