Smartfon - tıimdilik kózi
HHİ ǵasyr - jańa tehnologıa dáýiri. Munda jyldamdyq, básekege qabilettilik, damýdyń qatar jarysqanyn baıqaýǵa bolady. Kóbimiz osy atalǵan qaǵıdattar tóńireginde ǵumyr keshýdemiz. Bálkim, ony árbirimiz nazarymyzǵa ilmeýimiz de múmkin.
Ýaqytty urlaıdy. Ásirese, árbir sát barshamyz úshin mańyzdy. Tipti óte aktýaldy dep aıtsaq, artyq emes. Óıtkeni zamannyń ózi osyǵan ákelip tirep turǵandaı seziledi. Barlyq isterimiz smartfonǵa baılanysty bolyp barady. Onysy jaqsy-aý?! Dese de, bir nárse jasaımynnyń kerimen arasynda ınternetke basymyzben kirip ketip jatamyz. Tym táýeldimiz. Sonyń nátıjesinde saǵattap áleýmettik jelide otyramyz. Sondaı-aq, sýretter men beınerolıkterge úńilip qalamyz. Bunyń bári ýaqyttyń zaıa ketýine, qaljyraýǵa alyp keledi. Sondyqtan sál de bolsa baqylaý júrgizgen abzal.
Tańǵajaıyp, biraq abaılaıyq! Ǵylymı tehnologıa týraly aıtyp qaldyq. Tekke mysaldamadyq. «Eger birneshe júz jyl artqa sheginsek, búginde biz qarapaıym nárseler dep sanaıtynnyń bári sıqyrly bolyp kóriner edi. Mysaly, qashyqtyqtan sóılesý, ushý, úlken kólemdi aqparatty óńdeý, búkil álemdi alaqandaı telefonnan tamashalaý, t.b. Shynynda da, buryn bul sıqyrǵa uqsaıtyn edi. Endi búginde sıqyr bop kórinetin bolashaqtaǵy qarapaıym «ǵajaıypty» siz de oılap taba alasyz ǵoı», - deıdi ónertapqysh ári álemniń eń baı adamy Ilon Mask. Shynynda da solaı. Degenmen, ár nárseniń ózindik mólsheri bolǵany jón. Sonda balans saqtalmaq.
Túıin. Biz úshin smartfonnyń tıimdiligi joǵary. Ony moıyndaý qajet. Joǵarydaǵy oılardy toptastyryp, saralaǵanda, shyǵatyn oı bireý. Ol – tıimdilikke jumys istep, artyq ýaqytty kádeli iske jaratsaq, nur ústine nur bolmaq.