Búgingi tańda stasıonarlarda 2 209 myń dári-dármek bar. Budan basqa, 736 myń kólemde dárilik zattardy (DZ) jetkizý kútilýde. Qala emhanalarynda 299 myń DZ bar, qosymsha 199 myń DZ túsý kútilýde.
Almaty qalasynyń ákimdigi apta saıyn qalalyq stasıonarlardyń, emhanalar men dárihanalardyń dárilik zattarmen, medısınalyq maqsattaǵy buıymdarmen (MMB) jáne jeke qorǵaný quraldarymen (JQQ) qamtamasyz etilýine monıtorıń júrgizedi. Bul týraly Almaty qalasy Óńirlik komýnıkasıalar qyzmetinde ótken brıfıńte Almaty qalasy ákiminiń orynbasary Maqsat Qıqymov aıtty, dep habarlaıdy Almaty-akshamy.kz
Búgingi tańda koronavırýstyq ınfeksıany emdeýde suranysqa ıe dári-dármekter barlyq dárihanalarda bar. Qamtamasyz etý 85-90%-dy quraıdy, dárihanalardyń qaldyqtarynda 1,3 mln.suranysqa ıe preparattar bar.
Turaqtandyrý qorynyń qarajaty esebinen 2020 jylǵy shilde men 2021 jylǵy qyrkúıek aralyǵynda Almatyǵa josparlanǵan 40 mln. DZ men MMB-dan 58,8 mln. ákelindi, 43,6 mln. iske asyryldy. Bul rette 8 mln mólsherinde tómendetilmeıtin qaldyq saqtaldy. Aıta ketý kerek, qalanyń medısınalyq uıymdary, dári-dármekter men medısınalyq maqsattaǵy buıymdardyń iri kóterme jetkizýshileri, sondaı-aq qalanyń bólshek saýda jelileri 2020 jylǵy tájirıbeni eskere otyryp, suranystyń yqtımal ósýine aldyn-ala daıyndalyp, óz qoımalarynda qorlar qalyptastyrady.
DZ jáne MMB turaqtandyrý qory jumysynyń oń tájirıbesin, turǵyndardy vaksınalaý deńgeıin jáne qalanyń farmasevtıkalyq kompanıalarynda DZ jáne MMB qorlarynyń bolýyn eskere otyryp, Almaty ákimdigi aınalym sqemasy boıynsha 3,75 mln birlik mólsherinde tómendetilmeıtin qordy saqtaı otyryp, keminde 9.2 mln birlik DZ jáne MMB jetkizý úshin 2,77 mlrd teńge bóldi. Osylaısha, qalada eki aılyq beriktik qory saqtalady, bul QR DSM talaptaryna sáıkes keledi.