Qala turǵyndary úshin mańyzdy máselelerdiń biri ónimniń baǵalarynyń negizsiz ósýine jol bermeý jáne azyq-túlik qaýipsizdigin qamtamasyz etý bolyp tabylady. Almaty qalasynyń ákimdigi atalǵan baǵyt boıynsha belsendi jumys júrgizýde. Bul týraly Almaty qalasy Óńirlik komýnıkasıalar qyzmetiniń brıfıńinde Almaty qalasy ákiminiń orynbasary Maqsat Qıqymov habarlady, dep jazady Almaty-akshamy.kz.
Qalada baǵany ustap turý boıynsha negizgi qoldanystaǵy mehanızmi – «aınalym syzbasy» boıynsha jeńildetilgen qaryzdar berý. Atalǵan mehanızm sheńberinde kásipkerlik sýbektileri ónimge qoıylǵan shekti baǵalardy bekitý retinde áleýmettik mańyzy bar azyq-túlik taýarlaryn (ÁMAT) iske asyrý boıynsha ózderine kúrdeli mindettemeler alady, bul rette qaryzdar boıynsha bólingen aqshalardy áriptester qala búdjetine qaıtarady.
ÁMAT-qa ónimniń Qazaqstan Respýblıkasynyń Úkimeti bekitken 19 túri jatady – 1 surypty un, qaraqumyq, kúrish.rojkı.kúnbaǵys maıy jáne sary maı, qus eti, sıyr eti, sút, aıran, irimshik, 1 sanatty jumyrtqa, qant, tuz, nan, kartop. Pıaz, qyryqqabat, sábiz.
«Aınalym syzbasynyń» sheńberinde qaryzdar berildi, sonyń nátıjesinde ÁMAT-tyń 60 myń tonnadan astam kólemde 19 pozısıasy boıynsha baǵalary ustalyp tur, bul qala boıynsha baǵany 35%-ǵa tómendetýge múmkindik berdi. "Magným" jelisiniń 54 saýda orny, "Toımart" saýda jelisiniń 14 saýda orny, "Asyl ettiń" 5 dúkeni qamtyldy.
Sonymen qatar, berilgen «aınalym syzbasy» tamaq ónerkásibi ónimderiniń satý baǵalaryn bekitýge múmkindik berdi.
• «Asyl Meat» JSHS 2022 jyldyń 1 maýsymyna deıin 5 fırmalyq dúkende bir kelisi úshin 2050 teńgeden bekitilgen baǵa boıynsha sıyr etin (jaýyryn-tós bóligi) satady.
• «Alsad Kazahstan» JSHS «Magným», «Smoll» jáne «Toımart» saýda jelileri arqyly sórelerde 10 danasy 440 teńge bolyp bekitilgen baǵa boıynsha 1 sanatty taýyq jumyrtqasyn satýdy júzege asyrady. 1 sanatty jumyrtqanyń baǵasy statısıka baǵasynan 8%-ǵa tómen (ortasha baǵa – on danasy úshin 479 teńge).
Halyq úshin qol jetimdi baǵamen ÁMAT-tyń ataýlarynyń usynymyn arttyrý úshin qalanyń 7 negizgi bazarynda (Kók bazar, Jańa Aqbulaq (kóterme bazar), Sary-Arqa, Tastaq, Taýsamaly, Almaty-1, Túrksib jármeńkesi) áleýmettik dúkender ashyldy, onda tómendetilgen baǵamen ÁMAT-tyń 10 ataýy (kartop, sábiz, pıaz jáne qyryqqabat, qant, qaraqumyq jarmasy, kúnbaǵys maıy, kúrish, rojkı, un) satylady, bul saýda jasaýshylar arasynda básekelik ortany quraıdy.
Sondaı-aq, «Et dúkenderi» jobasy iske qosyldy, onda qol jetimdi baǵamen sıyr etin jáne qoı etin satý júzege asyrylady, baǵany turaqtandyrý bir kelisi úshin 2050 teńgede sıyr etiniń jaýyryn-tós bóligi boıynsha uıymdastyrylǵan. Atalǵan sátte, «Juldyz», «Túrksib» bazarlarynda eki satý orny jumys isteıdi. Qalanyń 7 iri bazarynda «Et dúkenderin» ashý jolymen jobany keńeıtý josparlanyp otyr.
Qala azyq-túlik naryǵynda jaǵdaıdy jaqsartý úshin turaqty túrde jańa sheshimder izdestirýde.