Almaty-akshamy.kz saıtynda búgin jaryq kórgen jańalyqtarǵa sholý – kún kerýeni
Almatynyń avtobýstaryna ne kórindi?
Qalada avtobýsqa qatysty oqıǵalar jıi bolyp ketti, búgin de qala kóshesinde bir qoǵamdyq kólik órtendi.
Abyroı bolǵanda, salonda jolaýshylar bolmaǵandyqtan zardap shekken eshkim joq. Tótenshe jaǵdaı departamentiniń málimetinshe, órt sóndirý brıgadasy oqıǵa ornyna kelgenge deıin avtobýs júrgizýshisi Qurmanǵazy Maqashev untaqty órt sóndirgishterdi qoldanyp, otqa oranǵan aýa ótkizgish qurylǵysyn sóndirgen.
As ta aýany búldiredi
Álemde jyl saıyn 52 mıllıon tonna et qoqysqa tastalady. Taǵam qaldyqtary, ásirese et ónimderi aýaǵa kómirqyshqyl gazynan da 20 ese kúshti parnıktik gaz, metan bólip shyǵarady.
Dúnıe júzinde jyl saıyn óndiriletin 4 mlrd.tonna astyqtyń da 40 paıyzy bosqa ysyrap bolyp jatyr. Brıtanıalyq ǵalymdar keltirgen statısıkaǵa súıensek, jemis-jıdek pen kókónistiń 40 paıyzy óndirýshiden tutynýshyǵa jetpeı, jarty jolda qalyp qoıady.
Dúkende gaz jarylǵan
Sonyń kesirinen dúken ǵımaraty qulaǵan. Oqıǵa Temirtaýdaǵy Vatýtına kóshesindegi eki qabatty dúken ǵımaratynda bolǵan.
Tótenshe jaǵdaılar mınıstrliginiń baspasóz qyzmeti taratqan aqparat boıynsha, úıindi astynan bir áıel shyǵaryldy. Ol úıindiniń astynda er adamnyń qalǵanyn aıtqan. Qutqarý jumystary jalǵasýda.
Tele2-ge kim ıe?
Qazaqstannyń iri telekomýnıkasıalyq operatory «Qazaqtelekom» óziniń mobıldi aktıvteriniń biri – «Mobaıl Telekom-Servıs» JSHS (Tele2/ALTEL brendteri) Taıaý Shyǵystyń jetekshi konglomeraty – qatarlyq Power International Holding-ke satýdy kózdep otyr. Qaǵıdattar týraly úsh jaqty kelisimge («Samuryq-Qazyna» AQ) taraptar Qazaqstan Prezıdentiniń Qatar eline resmı sapary sheńberinde qol qoıyldy.
Janarmaıdyń baǵasy qansha bolady?
«Ashyq NQA» portalynda energetıka mınıstrligi shyǵarǵan buıryqtyń jobasy jarıalandy. Joba 28 aqpanǵa deıin qoǵamdyq talqylaýdan ótedi. Energetıka mınıstrligi benzın men dızeldiń jańa baǵasyn belgilemek.
Sýdyń da suraýy bar
Sol sebepti aýyz sýǵa ártaraptandyrylǵan tarıf belgilenedi. Sý resýrstary jáne ırrıgasıa mınıstri N.Nurjigitovtiń málimdeýinshe, mundaı tarıf engizý arqyly jylyna 13 mlrd teńge tartýǵa múmkindik bolady. Jospar boıynsha tutynýshylardy tórt topqa bólmek.
Qaraǵandynyń qarqyny qandaı?
Úkimet basshysy Oljas Bektenov Qaraǵandy oblysynyń birqatar negizgi ónerkásiptik kásipornyna bardy. 2024 jyly 252 mlrd teńgege 10 ınvestısıalyq jobany iske asyrý josparlanyp otyr. Atap aıtqanda, katodty mys, kremnıı qorytpalary, jel energetıkasy munaralary, myryshtalǵan metal buıymdary jáne t.b. shyǵarý boıynsha jańa óndirister ashylýy tıis. Saran qalasynda júk avtomobılderiniń óndirisi iske qosylady.
«Saryarqa» arnaıy ekonomıkalyq aımaǵyn aralaý barysynda Oljas Bektenov «Steel Manufacturing» patron zaýytynyń jumysymen tanysty. Bıyl vıntovka patrondary jelisin iske qosý jumystaryn aıaqtaý josparlanyp otyr, sondaı-aq túrli kalıbrdegi patrondardyń serıalyq óndirisi iske qosylady dep kútilýde.
Qazaqstandyq patron zaýyty – qorǵanys-ónerkásip keshenindegi joǵary tehnologıalyq birden-bir kásiporyn. Munda qaýipsizdik máselesine jáne óndiristi avtomattandyrýǵa basymdyq berilgen, óndiristik prosestiń barlyǵy adamnyń qatysýynsyz, avtomatty túrde júzege asyrylady.
«11 kópir men nysan boıynsha jumystar aıaqtalyp, Balqash qalasyn aınalyp ótetin jerde temirjol kópiri arqyly ótpe jol salyndy. Oǵan qosa tasjol boıynda 18 demalys alańy, onyń ishinde sanıtarıalyq-gıgıenalyq toraptar salynbaq. Jobany aıaqtaý úshin qazir jol qurylysy materıaldary men qajetti jaılastyrý elementteri belsendi túrde daıyndalyp jatyr.
Odan keıin Oljas Bektenov Qarmet metalýrgıalyq kombınatynyń óndiristik sehtaryna bardy. Búgingi tańda kombınat – respýblıkadaǵy tolyq óndiristik sıkli bar iri taý-ken jáne bolat kásiporyndarynyń biri.
Sodan keıin Oljas Bektenov avtomobıl shınalaryn shyǵaratyn «KamaTyresKZ» kásipornyna bardy. Munda kóktemde serıalyq óndiristi bastaý josparlanyp otyr. Ol úshin arnaıy kýrstardan bilim alǵan 500-den astam qyzmetker búginde jumysqa kirisýge daıyn, al kásiporyn tolyq qýatyna shyqqannan keıin qosymsha 1 000-nan astam jumys orny ashylmaq.
Jýrnalıserge arnalǵan jıyn
Mádenıet jáne aqparat mınıstrligi jýrnalıserdi daǵdarystyq komýnıkasıalar jáne áskerı jýrnalısıka jónindegi oqý-ádistemelik jıynǵa shaqyrady.
Sharanyń maqsaty – halyqty senimdi jáne ýaqtyly habardar etý maqsatynda daǵdarys, tótenshe, áskerı qaqtyǵystar jaǵdaılaryndaǵy is-áreketter men jumys erekshelikteri boıynsha baspasóz qyzmetteri, BAQ jáne qoǵamdastyq blogy ókilderiniń kásibıligi men jumys sapasyn arttyrý.
Mártebe men mańyz
Astanada Mádenıet jáne aqparat mınıstri Aıda Balaeva «Jýrnalıs etıkasy» taqyrybyndaǵy dóńgelek ústelde jýrnalısıkanyń mártebesi onyń qoǵam jáne memleket aldyndaǵy mańyzy men róline sáıkes kelmeıtinin aıtty.
«Sıfrlyq medıanyń ústemdik qurýy qazirgi jýrnalısıkadaǵy etıkalyq daǵdarystyń sebepshisi boldy. Sıfrlyq kontentti barlyq adam jarıalaı alady, onyń ishinde kásibı bilimi joqtar da bar. Shekara anyq bolmaǵan jaǵdaıda, etıkalyq prınsıpterdi saqtaý, óz qyzmetiń úshin jaýap berý óte qıyn. Qazaqstandyq qoǵamda faktchekıng jáne verıfıkasıa sıaqty uǵymdardy nyǵaıtý mańyzdy. Sebebi jýrnalıserdiń negizgi kásibı mindeti – naqty faktilerdi habarlaý jáne oqıǵany esh burmalamaı jetkizý», dedi Aıda Balaeva.
Jol aqysy qymbattaı ma?
Kólik mınıstri Marat Qarabaevtyń aıtýynsha, elimizdegi aqyly joldardyń tarıfi kóteriledi.
«2013 jyldan beri tarıf 11 jyl boıy ózgergen joq. Ótken jyly 20 paıyzǵa qymbattady. Bizdiń tarıfti kórshi elmen salystyrsańyzdar, Qazaqstanda - 1 teńge 20 tıyn bolsa, Reseıde - 7 teńge. Sizder salyq tóleýshilerdiń emes, «QazAvtoJoldyń» búdjeti esebinen bolǵanyn qalaısyzdar ǵoı. Onda bir ǵana joly bar, ol – aqyly joldar tarıfin kóterý», - dedi mınıstr.
Bul qaı saılaý?
26 aqpanda Ulttyq Olımpıada komıtetiniń prezıdenttigine saılaý ótedi. Elimizdiń Ulttyq Olımpıada komıtetiniń prezıdenttigine kandıdat retinde Tımýr Qulybaevtyń ornyna Gennadıı Golovkın usynylǵan. Dańqty boksshyny saılaý uıymnyń 26 aqpanda ótetin Bas assambleıasynyń otyrysynda daýys berý arqyly sheshiledi.