Magıstraldyq temirjol jelisi qyzmetteriniń tarıfi 4 paıyzǵa ósti.
Buǵan qyzmet shyǵynynyń tabys kóleminen kóptigi sebep kórinedi. Bul jaıly Kólik mınıstri Marat Qarabaev málimdedi.
Aıtýynsha, Qazaqstan temirjolynyń kirisi shyǵynnyń tek 50-60 paıyzyn ótep otyr. Sondaı-aq mınıstr elde temirjol vokzaldarynyń eskirgeni jaıly aıtty. Máselen, Qazaqstanda 59 vokzal bolatyn bolsa, qazir onyń tek tórteýi ǵana kúrdeli jóndeýden ótip jatyr. Qalǵanyna kezeń-kezeńimen jańartý jumystary júrgiziledi. Ol úshin respýblıkalyq jáne óńirlik búdjetterden qarjy bólinedi.
"Bireýi Qyzylorda, ol ótti, taǵy da úsheýi ótip jatyr. Pavlodar bıznestiń áleýmettik JSHS esebinen istelip jatyr jáne Túrkistan men Shymkent, Shymkent jeke kásipkerdiń esebinen istep jatyr. Biraq Túrkistan jaqta ákimdiktiń esebinen istep jatyr. Qalǵan 55-in ekige bólip jatyrmyz" - dedi QR Kólik mınıstri Marat Qarabaev.
Temirjol vagondarynyń da tozyǵy jetken. Byltyr bul olqylyqtyń ornyn toltyrý úshin 118 vagon satyp alynǵan. Bıyl taǵy da 100-den asa jańa vagondy qoldanysqa berý josparlanyp otyr. Kelesi jyly da jańalaý jumysy qarqyndy júrgiziledi.