Jylytý kezeńinde jylytý peshterin durys paıdalanbaýdan turǵyndar ýly gazben ýlaný jaǵdaılary az tirkelmeıdi.
Máselen, aǵymdaǵy jyldyń 15 aqpanynda saǵat 13.40-ta Almaty qalasy TJD-niń 112 púltine jedel medısınalyq járdem qyzmetinen Naýryzbaı aýdanynyń Shuǵyla shaǵyn aýdany aldyn ala aqparat boıynsha kómirmen jylytylatyn pesh qaqpasy jabyq bolǵandyqtan, ýly gazben ýlanǵany týraly aqparat kelip tústi. Medısına qyzmetkerleri otbasy músheleriniń, onyń ishinde 3 balanyń jaǵdaıy «turaqty» dep anyqtady, sonymen qatar eresek adamdar aýrýhanaǵa jatqyzýdan bas tartty, biraq balalar dárigerlerdiń qaraýynda qaldy. Qazirgi tańda olardyń ómiri men densaýlyǵyna eshbir qaýip joq, dep habarlaıdy Almaty-alshamy.kz QR TJM saıtyna silteme jasap.
Buǵan deıin 2024 jyldyń 12 aqpanynda turǵyn úı sektoryn profılaktıkalyq aralaý barysynda Naýryzbaı aýdany TJ basqarmasynyń qyzmetkerleri osy otbasymen jylý berý kezeńinde qaýipsizdik erejelerin saqtaý týraly túsindirme áńgime júrgizgen.
Jalpy, Almaty qalasy TJD júıeli josparyna sáıkes jylý berý kezeńinde órt qaýipsizdigi habarlandyrýlarmen barlyǵy 164 myńnan astam úı qamtylyp, nusqaý berildi
Órt qaýipsizdigi erejeleriniń 28 myńnan astam buzýshylyǵy anyqtaldy (avtonomdy jylytý júıelerimen, elektr jelileri men jabdyqtaryn paıdalanýǵa baılanysty órt qaýipsizdigi salasynda buzýshylyqtar jáne t.b.). Anyqtalǵan buzýshylyqtardy joıý boıynsha jeke turǵyn úı ıelerine usynymdar berildi.
Qutqarýshylar atap ótkendeı, úıdiń ishi sýyp ketpeý úshin jeke sektor turǵyndarynyń kóbisi uıyqtar aldynda pesh japqyshyn ýaqtyly ashpaıdy.
Mundaı áreket úıdi ıisi de joq, biraq ómirge óte qaýipti ýly gazdyń taralýy múmkin. Onyń túsi, ıisi joq, biraq adam ómirine óte qaýipti.
Osyǵan baılanysty, peshtiń japqyshyn kómirdiń ústindegi kók jalyn joq bolyp ketkennen keıin ǵana jabyńyz. sońyna deıin janbaı jatyp jabylǵan pesh jabyny ýly gazdyń kózi bolyp tabylady.