Bul týraly Almaty qalasy boıynsha Tekserý komısıasynyń tóraǵasy Altaı Berdiqulov qalalyq máslıhattyń VI sesıasynda aıtty.
A. Berdiqulovtyń málimdeýinshe sońǵy 5 jylda Almaty qalasynyń búdjeti edáýir óskenine qaramastan, ony tolyqtyrýda barlyq rezerv tartylǵan joq.
Búdjetti qosymsha tolyqtyrý ádisteriniń ishinde qalanyń saýda bazarlaryn kóleńkeli sektordan shyǵarý, jer salyǵynyń mólsherlemesin qaıta qaraý, zańsyz jarnama ornalastyrýdyń jolyn kesý, ákimshilik aıyppuldardy óndirip alýdy kóbeıtý ataldy.
«Atalǵan bul sharalarǵa júrgizilgen taldaýǵa sáıkes, jergilikti búdjetke túsetin túsimderdiń qosymsha rezervterin jyl saıyn 50 mlrd teńgege deıin qarastyrýǵa múmkindik beredi», - dedi Altaı Berdiqulov.