Almatynyń 2022 jylǵy jergilikti búdjet kirisi 1 175,1 mlrd.teńge boldy, bul 2021 jylmen salystyrǵanda 42%-ǵa artyq, dep habarlady Almaty qalasy boıynsha Tekserý komısıasynyń tóraǵasy Altaı Berdiqulov qalalyq máslıhattyń VI sesıasynda.
Qala búdjetiniń kirister qurylymynda negizgi úles salyq túsimderine tıesili, ol 164,2 mlrd. teńge kólemindegi josparly kórsetkishten asyp, 1 122,1 mlrd. teńgege jetken. 2021 jylmen salystyrǵanda salyq túsimderi 332 mlrd. teńgege nemese 42%-ǵa ulǵaıdy.
2022 jyly salyqtyq emes túsimder 16,5 mlrd. teńge boldy. Negizgi kapıtaldy satýdan túsken kirister 36,4 mlrd. teńgege jetti, jospar 23,8%-ǵa asyra oryndaldy.
«Qańtar oqıǵasynda bızneske keltirilgen zalalmen baılanysty jyldyń aýyr bastalýyna qaramastan, ákimdiktiń SHOB-ty qalpyna keltirý jáne qoldaý boıynsha ýaqytyly qabyldaǵan sharalary, sonymen qatar, MKD ákimshilendirýdi jaqsartý salyqtan túsetin túsimderdi kóbeıtýde oń nátıjesin berdi», - dedi Altaı Berdiqulov.
2022 jylǵy túsimderdiń jalpy kóleminde 15,9% respýblıkalyq búdjetten 224,1 mlrd.teńge somasynda transfertter (2021 jylmen salystyrǵanda 28%-ǵa ósim), 0,6% - baǵaly qaǵazdardy ornalastyrýdan túsetin túsimder, 0,01% - qarjy aktıvteri men búdjet nesıesin satýdan jáne 0,1% - búdjet nesıesin óteýden túsetin túsim.
2023 jyldyń I toqsanynyń qorytyndysy boıynsha túsimder 340,7 mlrd.teńge boldy, bul 2022 jyldyń osy kezeńimen salystyrǵanda 139,2 mlrd. teńgege nemese 69%-ǵa kóp.