Bul týraly Úkimet otyrysynda Bilim jáne ǵylym mınıstri Asqat Aımaǵambetov aıtty, dep habarlaıdy Almaty-akshamy.kz
2022 jyly granttar sany 10%-ǵa artady. Buǵan qosa tehnıkalyq baǵyttarǵa basymdyq pen qoljetimdilikti keńeıtý úshin tehnıkalyq mamandyqtarǵa arnalǵan granttardyń úlesi 40%-dan 60%-ǵa deıin ulǵaıtylady. Sondaı-aq aýyldyq kvota da bıyl 35%-ǵa deıin ulǵaıtylady, - dedi mınıstr.
Aımaǵambetovtiń aıtýynsha, bilim sapasy jaǵynan alshaqtyǵy bar óńirlerdiń abıtýrıentterine tehnıkalyq baǵyttary boıynsha qosymsha 10 000 nysanaly grant bólinedi.
Biz taldaý júrgizip, óńirlerdi anyqtadyq. Bul – Mańǵystaý, Atyraý oblystary. Josparǵa sáıkes, stýdentter elimizdiń jetekshi joǵary oqý oryndarynda bilim alady. Sondaı-aq oqý aıaqtalǵan soń, turǵylyqty jerlerine baryp óteý kózdeledi. Qoǵamdyq tártipti saqtaý jónindegi mindetterdi oryndaý kezinde qaza tapqan quqyq qorǵaý jáne arnaýly memlekettik organdar qyzmetkerleriniń balalaryna ýnıversıtetterde tegin oqý úshin bilim granttaryn berý jónindegi normany engizemiz, - dedi Bilim basshysy Úkimette.
Ekonomıka úshin kadrlardy jedel daıarlaý úshin bıyl pılottyq rejımde 2,5-3 jyl oqytýmen qoldanbaly bakalavrıat engizile bastaıdy.
Joǵarǵy bilim berýde «onlaın oqytý» jańa nysanyn engizý josparlanyp otyr. Iaǵnı endi onlaın formatta sabaq beretin ýnıversıtetter de paıda bolady degendi bildiredi. Tıisti zań jobasy Májiliste qaralyp jatyr. Bul sıfrlandyrý zamanynyń suranysyna saı keletin shara, - dep aıtty ol.