Májilistiń jańa Tóraǵasyna Erlan Jaqanuly Qoshanov saılandy, dep habarlaıdy Almaty-akshamy.kz Prezıdenttiń baspasóz hatshysy Berik Ýálıdiń áleýmettik jelidegi paraqshasyna silteme jasap.
Erlan Jaqanuly Qoshanov 1962 jyly Qaraǵandy oblysynda dúnıege kelgen. 1984 jyly Qaraǵandy polıtehnıkalyq ınstıtýtyn, 1999 jyly Qazaq memlekettik basqarý akademıasyn bitirgen.
Qazaq, orys, nemis tilderin meńgergen. Instıtýt bitirgen soń, Jezqazǵan ken-metallýrgıa kombınaty baıytý fabrıkasynyń slesary, sheberi bolyp istedi.
1988-1990 jj. – jumysker jáne aýyl jastary bóliminiń nusqaýshysy, Qazaqstan LKJO Jezqazǵan oblystyq jastar problemalarynyń áleýmettik-ekonomıkalyq bóliminiń meńgerýshisi.
1990-1995 jj. – Jezqazǵan oblystyq komıtetiniń syrtqy ekonomıkalyq baılanys komıtetiniń jetekshi mamany, bólim bastyǵy, basshynyń orynbasary.
1995 j. – Jezqazǵan oblystyq komıtetiniń syrtqy ekonomıkalyq baılanys komıtetiniń tóraǵasy.
1995-1999 jj. – Qazaqstan Respýblıkasy Parlament Senatynyń depýtaty.
1999-2001 jj. – Qazaqstan Respýblıkasynyń Parlamentindegi QR Úkimetiniń ókili.
2001-2003 jj. – Qazaqstan Respýblıkasy Premer-Mınıstri Keńsesi Basshysynyń orynbasary – Qazaqstan Respýblıkasynyń Parlamentindegi QR Úkimetiniń ókili.
2003-2006 jj. – Qazaqstan Respýblıkasynyń Kólik jáne komýnıkasıa vıse-mınıstri.
2006-2007 jj. – Qazaqstan Respýblıkasy Kólik jáne komýnıkasıa mınıstrliginiń azamattyq avıasıa komıtetiniń tóraǵasy.
2007-2012 jj. – Qazaqstan Respýblıkasy Premer-Mınıstri Keńsesi Basshysynyń orynbasary – Qazaqstan Respýblıkasynyń Parlament Májilisindegi QR Úkimetiniń ókili, Qazaqstan Respýblıkasy Premer-Mınıstri Keńsesi Basshysynyń orynbasary – Qazaqstan Respýblıkasynyń Parlamentindegi QR Úkimetiniń ókili.
2012 jylǵy 2 aqpandaǵy Qazaqstan Respýblıkasy Úkimetiniń qaýlysymen Qazaqstan Respýblıkasy Premer-Mınıstri Keńsesiniń Basshysy bolyp taǵaıyndaldy.
2017-2019 – Qaraǵandy oblysynyń ákimi.
2019 jyldyń qyrkúıek aıynan bastap Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy
«Parasat» (2013), «Qurmet» (2007) ordenderimen jáne mereıtoılyq medaldarmen marapattalǵan.