Teńíz ken ornynda mūnaı óndíru qaıta íske qosyldy, dep habarlaıdy Aqshamnews.kz tílshísí QR Energetıka mınıstrlígí málímetíne súıeníp.
Operatıvtí shtab deregínshe, búgín saǵat 03:35-te alǵashqy ūńǵyma GZU-52 sáttí ashyldy. PBF nysanynyń tehnologıyalyq qondyrǵylary íske qosylyp, shtattyq rejımde jūmys ístep tūr.
Qazírgí tańda paıdalanuǵa 5 ūńǵyma engízílgen. Teńízshevroıl mamandary kelesí toptyq ólsheu qondyrǵysyn GZU-53-tí íske qosuǵa daıyndap jatyr. Óndírís kólemí tehnologıyalyq parametrler tūraqtanuyna qaraı kezeń-kezeńímen ūlǵaıtylady jáne qauípsízdík talaptary qatań saqtalady.
Aıta keteıík, 26 qańtarda Ekínshí buyn zauyty íske qosylǵan edí. Mınıstrlík pen QazMūnaıGaz jobanyń josparly quatqa shyǵu merzímín qysqartu úshín operatorǵa jan-jaqty qoldau kórsetíp otyrǵanyn habarlady. Qalpyna keltíru jūmystarynyń úılestíruíne vıtse-mınıstr Qaıyrhan Tūtqyshbaev óndírís nysandarynda júr.