Olar ózara is-qımyl jasasý máselelerin talqylady.
Qazaqstannyń Aqparat jáne qoǵamdyq damý mınıstri Asqar Ýmarov dinı basqarma ókilderimen kezdesip, áńgimelesti, dep habarlaıdy Almaty-akshamy.kz.
«Bas múftı Naýryzbaı qajy Taǵanulynyń shaqyrýymen Aqparat jáne qoǵamdyq damý mınıstri Asqar Ýmarov Qazaqstan musylmandary dinı basqarmasynyń aımaqtyq ımamdarymen kezdesti. Mınıstrlik pen QMDB-nyń ózara is-qımyl jasasý máseleleri boıynsha syndarly pikir almasý boldy. Dinı qyzmetkerler mınıstrge ózekti saýaldaryn qoıdy jáne qoǵamda radıkaldy dinı ıdeologıanyń taralýyna qarsy is-qımyl máseleleri keńinen talqylandy», - delingen mınıstrliktiń baspasóz qyzmetiniń habarlamasynda.
Óz sózinde Asqar Ýmarov Qazaqstan musylmandary dinı basqarmasy ımamdarynyń jastardy rýhanı qundylyqtar men adamgershilikke tárbıeleýde, sondaı-aq el musylmandaryn destrýktıvti sıpattaǵy túrli kózqarastardyń áserinen qorǵaýdaǵy úlken rólin atap ótti.
«Qasiretti qańtar» oqıǵasy kezinde Bas mýftıden bastap, QMDB-nyń óńirdegi bas ımamdary halyqty sabyr men tynyshtyqqa shaqyrý boıynsha tabandy eńbek etkenderińiz úshin, sizderge ózimniń shynaıy alǵysymdy bildiremin. Bul el aldynda barshamyzǵa júktelgen jaýapkershiligi joǵary is-áreket dep tanımyn», - dedi mınıstr.
Óz kezeginde Bas múftı Naýryzbaı qajy Taǵanuly Qazaqstan musylmandary dinı basqarmasy bıyl «Islam – beıbitshilik pen yntymaqtastyq dini» taqyryby boıynsha aqparattyq-aǵartýshylyq jumystyń jeti baǵyty boıynsha is-qımyl baǵdarlamasyn qabyldaǵanyn aıtty.
Kezdesý qorytyndysy boıynsha qatysýshylar jahandyq trendterge sáıkes aǵartýshylyq qyzmettegi ózara is-qımyldy arttyrýǵa jáne aqparatty taratýdyń tıimdi ádisterin paıdalanýǵa daıyn ekendikterin bildirdi.