Elimizdegi ataýly áleýmettik kómek alatyn azamattar úshin qarastyrylǵan múmkindikter men jeńildikter ishinde televızıalyq abonenttik jalǵamalardy tegin ornatý da bar.
Qazaqstan Respýblıkasy Aqparat jáne qoǵamdyq damý mınıstrliginiń sıfrlyq efırlik televızıaǵa kezeń-kezeńimen kóshý jónindegi buıryǵyna sáıkes, 2021 jylǵy 1 aqpannan bastap Almaty qalasynda sıfrlyq efırlik televızıaǵa kóshý júzege asyrylyp keledi.
Sandyq teledıdar joǵary sapaly keskin men dybysty alýǵa múmkindik beredi. Sonymen qatar, telearnalar men baǵdarlamalardyń úlken tańdaýyn usynady. Eski úlgidegi sıgnal syrtqy áserlerge óte osal. Mysaly, aýa raıynyń qolaısyzdyǵyna baılanysty jáne qatty jelde joǵalyp ketýi múmkin. Sandyq habar taratý joǵary qorǵanys deńgeıine jáne sıgnal sapasyna ıe, ol uzaq qashyqta qabyldanady. Endi analogtyq habar taratý prınsıp boıynsha jumys isteıdi: bir taratqysh – bir arna. Sandyq bir taratqyshta kóptegen arnany taratýǵa múmkindik beredi.
Qazaqstan Respýblıkasynyń «Teleradıo habarlaryn taratý týraly» zańyna sáıkes, memlekettik ataýly áleýmettik kómek alýshy jeke tulǵalardy televızıalyq abonenttik jalǵamalarmen (QR Úkimetiniń 8.11.2016 jylǵy № 677 qaýlysy) qamtamasyz etý qaǵıdalary bekitildi. Oǵan sáıkes, AÁK alýshylar óteýsiz negizde televızıalyq abonenttik jalǵamalarmen qamtamasyz etiledi, ıaǵnı olarǵa tegin jetkizilip, ornatyp beriledi.
2017–2022 jyldar aralyǵynda Almaty qalasynda AÁK alýshy 864 otbasy osyndaı tegin jalǵamalarmen qamtamasyz etildi. Al bıyl AÁK alýshylardy 50 jalǵamamen qamtamasyz etý josparlanǵan.
Memlekettik ataýly áleýmettik kómek alýshy jeke tulǵalar osyndaı tegin múmkindikke ıe bolý úshin turǵylyqty turatyn jeri boıynsha Almaty qalasy Jumyspen qamtý jáne áleýmettik baǵdarlamalar basqarmasynyń aýdandyq bólimderine ótinish berip, onyń AÁK alýshy ekendigi týraly anyqtamasyn qosa usynýy qajet.
Memleket usynyp otyrǵan múmkindikti jiberip almańyz, aǵaıyn!