Atalmysh shara Aqmola, Qaraǵandy, Pavlodar, Ulytaý oblystarynda ornalasqan erekshe qorǵalatyn tabıǵı aýmaqtarda jáne olarǵa irgeles eldi mekenderde ótti.
Aksıa 4 EQTA – «Qarqaraly», «Kókshetaý», «Baıanaýyl», «Ulytaý» ulttyq parkterin qamtydy.
Ulttyq park qyzmetkerleri jergilikti turǵyndarmen jáne eriktilermen birlesip 12 tonnadan astam qoqys jınady. Bul qurǵaǵan butalar, qys mezgilinen keıin qulaǵan aǵashtar, turmystyq qoqystar, japyraqtar men balshyq shógindileri. İs-sharaǵa 250-den astam adam qatysty.
Mundaı aksıalar biregeı ekojúıelerdi saqtaýǵa jáne EQTA-da qorshaǵan ortanyń lastanýyn boldyrmaýǵa baǵyttalǵan.
Esterińizge sala keteıik, «Kıeli meken» aksıasy «Taza Qazaqstan» ekologıalyq mádenıetin damytý tujyrymdamasy aıasynda ótkizilýde. İs – sharalardyń negizgi baǵyttary - aýmaqtardy abattandyrý, jasyl aımaqtardy ulǵaıtý jáne halyqtyń ekologıalyq mádenıetin arttyrý.