Qazgıdromet sınoptıkteri 6, 7 jáne 8 mamyrǵa arnalǵan aýa raıy boljamyn jasady.
Aldaǵy kúnderi Qazaqstandaǵy aýa raıyna ońtústik sıklon áser etedi. 6-8 mamyr aralyǵynda elimizdiń batysynda, soltústik-batysynda jáne soltústiginde, al 8 mamyrdan bastap ortalyq, shyǵys jáne ońtústik óńirlerde jańbyr, naızaǵaı, keı jerlerde burshaq kútiledi, dep habarlaıdy aqshamnews.kz.
6-7 mamyrda Batys Qazaqstan jáne Atyraý oblystarynda, 7 mamyrda Mańǵystaý oblysynda, al 7-8 mamyrda Aqtóbe oblysynda qatty jaýyn-shashyn bolady dep boljanǵan. Qaraǵandy oblysynda ǵana jaýyn-shashyn bolmaıdy.
Eldiń ońtústik-batysynda, sondaı-aq 8 mamyrda ońtústik-shyǵysynda qumdy daýyldar kútiledi.
6 mamyrda Pavlodar jáne Abaı oblystarynda, sondaı-aq 6–7 mamyrda Shyǵys Qazaqstan oblysynda túngi jáne tańǵy ýaqytta úsik júrýi múmkin.
Kúndiz aýa temperatýrasy ártúrli bolady: batysta 23-30 gradýstan 21-26 gradýsqa deıin tómendeıdi. Soltústik-batys, soltústik jáne shyǵys óńirlerde 20-25 gradýstan 24-29 gradýsqa deıin kóteriledi. Ortalyqta aýa 27-35 gradýsqa deıin jylynsa, ońtústik jáne ońtústik-shyǵysta 38 gradýsqa deıin aptap ystyq kútiledi.