Almatyda «Keleshek mektepteri» jobasy aıasynda 21 mektep salynyp jatyr

  • 13:05, 28 tamyz 2025
Almatyda «Keleshek mektepteri» jobasy aıasynda 21 mektep salynyp jatyr Almaty qalasy ákimdigi

Oqýshy ornynyń tapshylyǵy elimizdiń barlyq óńirine tán másele. Osy oraıda  Almatyda oqýshy ornynyń tapshylyǵyn azaıtý maqsatynda bilim berý mekemelerin jańǵyrtýǵa baǵyttalǵan «Keleshek mektepteri» men  «1300 mektepti ońaltý» ulttyq jobasy qolǵa alynǵan. Shaharda 1 qyrkúıekte  12 jańa mektep ashylǵaly otyr. 

Jalpy, Almaty qalasy boıynsha «Keleshek mektepteri» jobasy aıasynda 34,8 myń oqýshyǵa arnalǵan 21 mektep salynyp jatsa,  13 mekteptiń qurylysy  «Samruk-Kazyna Construction» kompanıasynyń qatysýymen júzege asyp jatyr. 

Osyndaı mekteptiń bireýi  byltyr  alǵash ret  paıdalanýǵa berilse,  osy oqý jylynyń alǵashqy kúni taǵy 12 mektep  paıdalanýǵa beriledi.  

Buǵan qosa, qosymsha taǵy 8 mektep jeke ınvestorlardyń qatysýymen «satyp alý» mehanızmi arqyly salyna bastady.  Sonyń ishinde eki mektep bıyl qyrkúıekte iske qosylyp, taǵy eki mektep 2025 jylǵy jeltoqsanda, qalǵan tórteýi jyl sońyna deıin ashylmaqshy.

Eske salaıyq, buǵan deıin oqý-aǵartý mınıstri Ǵanı Beısembaev «Keleshek mektepteriniń» mańyzyn túsindirgen edi. 

«Bul joba – elimizde orta bilim sapasyn arttyrýǵa jáne qala men aýyl mektepteri arasyndaǵy alshaqtyqty joıýǵa baǵyttalǵan strategıalyq bastama. Bul – jáı ǵana mektep ǵımarattary emes, ult bolashaǵy ósip shyǵatyn kıeli bilim ordalary. Sondyqtan ulttyq joba aıasynda qalyptasatyn bilim uıymdaryn «Keleshek mektepteri» dep ataýdy usynyp otyrmyz. Bastaýysh synyptardan bastap túrli mamandyq ıelerimen kezdesýler, jobalyq aptalar uıymdastyrylady. 7-synypta oqýshylar úshin tereńdetilgen beıindik oqytý, tálimgerlik júıesi jáne jeke bilim berý kýrstary engiziledi. Bul úderisti tıimdi úılestirý jáne basqarý maqsatynda «Mansap kompasy» arnaıy sıfrlyq platformasy ázirlenýde. Ol oqýshylarǵa bolashaq kásibı baǵytyn jáne ári qaraıǵy bilim alý jolyn sanaly túrde tańdaýǵa kómektesedi. Osy maqsatta muǵalimderge arnalǵan jańa pedagogıkalyq tásilder, zamanaýı ádistemeler men sıfrlyq quraldardy meńgerýge baǵyttalǵan baǵdarlama ázirlendi. Búgingi kúni 3000-nan astam muǵalim biliktilikti arttyrý kýrstarynan ótti. Aldaǵy ýaqytta basym baǵyttar boıynsha barlyq pedagogtar oqytýmen qamtylady, bul elimizde kásibı quzyrettilikterdi damytýdyń biryńǵaı standartyn qamtamasyz etýge múmkindik beredi», - dedi ol. 

Balalar qaýipsizdigi 

Bul týraly Almaty qalasy Bilim basqarmasynyń basshysy Saıran Saıfedenov brıfıń barysynda aıtty. 

"Qazirgi tańda Almatydaǵy barlyq bilim mekemeleri jańasha damyp, úlken izdenis ústinde. Búgingi kúni qaladaǵy barlyq memlekettik 216 mektep pen  196 balabaqsha keshendi qaýipsizdik júıesimen jabdyqtalsa,  mundaı  júıege beınebaqylaý, dabyl túımeleri, kirip-shyǵýdy baqylaıtyn júıeler men órt dabyly kiredi. Bilim mekemeleriniń basty máselesi –  balalar ómiriniń qaýipsizdigi. Sondyqtan  osy maqsat úshin bilim berý mekemeleriniń barlyǵyna  21 106 sıfrlyq beınekamera ornatyldy. Bul beınebaqylaýlardyń  12 450-i mektepte, 8656-sy balabaqshada ornalastyryldy.   Sondaı-aq,   nysandarǵa túgelimen  bir-birden 412  dabyl túımesi qoıylǵan.  Mektepke kirip-shyǵýdy basqaratyn, baqylaıtyn biryńǵaı  júıe engizilip, balabaqshalarǵa domofon ornatylǵan.  Sonymen qatar, ár nysanda órt dabyly júıesi jumys isteıdi", - deıdi ol. 

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24