Ǵylym jáne joǵary bilim mınıstri Saıasat Nurbek Úkimet otyrysy barysynda el Prezıdenti bastamashylyq etken «Taza Qazaqstan» tujyrymdamasyn iske asyrý sheńberinde qorshaǵan ortany qorǵaý salasynda kadrlardy júıeli daıarlaý týraly aıtty.
Mınıstrdiń aıtýynsha, mindetterdiń biri ekologtardy daıarlaýǵa kásibı standarttardy engizý boldy. Búgingi tańda ekologıalyq baǵyttar boıynsha oqytý elimizdiń 35 joǵary oqý ornynda júrgizilýde. Tizilimge 143 bilim berý baǵdarlamasy engizilgen, onyń 70-i bakalavrıat, 52-si magıstratýra jáne 21-i doktorantýra deńgeıinde.
Inovasıalyq baǵdarlamalar qatarynda «Tabıǵı-tehnogendik qaýipter», «Gıdroekologıa jáne transshekaralyq sý qaýipsizdigi», «Tabıǵatty paıdalaný jáne ekologıalyq qaýipsizdik», «Ekologıalyq saraptama jáne turaqty damý», sondaı-aq Environmental Sciences sıaqty baǵyttar bar.
2024-2025 oqý jylyna «Qorshaǵan orta» baǵyty boıynsha 1796 memlekettik grant bólingen. Onyń ishinde bakalavrıat – 1506, magıstratýra – 245, doktorantýra – 45.
Sonymen qatar «Ekologıa jáne tirshilik qaýipsizdigi» páni barlyq mamandyqtardyń jalpy bilim berý sıkline engizildi.