Qazaqstanda jeke kýálikti tolyqtaı onlaın túrde eGov.kz portaly nemese eGov Mobile qosymshasy arqyly aýystyrýǵa múmkindik bar, dep habarlaıdy aqshamnews.kz
Qyzmet qazir testilik rejımde jumys isteıdi jáne tek qujat ıesine ǵana qoljetimdi. Basqa adam úshin ótinish berý múmkin emes.
Jeke kýálikti onyń merzimi aıaqtalýǵa 30 kún qalǵanǵa deıin nemese merziminen keıin 10 kún ishinde aýystyrýǵa bolady. Ótinish berý úshin júıege kirip, bıometrıalyq sáıkestendirýden ótip, qajetti málimetterdi toltyryp, qujatty alý pýnktin tańdap, memlekettik qyzmet tólemin tóleý qajet. Tólemniń mólsheri — standartty nusqada 786 teńge.
Barlyq proses Digital ID qorǵalǵan júıesi arqyly júzege asady, bıometrıalyq derekter shıfrlanǵan túrde saqtalady. Eger onlaın sáıkestendirýden ótý múmkin bolmasa (jasqa baılanysty, operasıadan keıingi ózgerister nemese syrtqy erekshelikterine baılanysty), júıe azamatty HQO-ǵa (Halyqqa qyzmet kórsetý ortalyǵy) barýǵa shaqyrady.